دەنساۋلىق ساقتاۋ ءمينيسترى ەلىمىزدەگى ەپيدەميولوگيالىق جاعدايعا بولجام جاسادى
11:24, 12 - قاڭتار 2022
نۇر-سۇلتان. قازاقپارات - بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ەلىمىزدەگى ەپيدەميولوگيالىق جاعدايعا بولجام جاسادى، دەپ حابارلايدى قازاقپارات ءتىلشىسى.
«مينيسترلىك كوروناۆيرۋستىڭ «وميكرون» ءتۇرىنىڭ انىقتالعانىن ەسكەرە وتىرىپ، كوروناۆيرۋس ينفەكسياسى بويىنشا ەپيدەميولوگيالىق جاعدايعا بولجام جاسادى. وپتيميستىك سەناري كەزىندە: رەۆاكسيناتسيامەن 100 پايىزعا دەيىن قامتىلعاندا، پروفيلاكتيكا شارالارىن جاپپاي ساقتاعاندا تاۋلىگىنە 17,5 مىڭ 17,5 جاعدايعا دەيىن تىركەلەدى»، - دەدى اجار عينيات.
ونىڭ اتاپ وتۋىنشە، رەاليستىك سەناريگە سايكەس رەۆاكسيناتسيامەن 70 پايىزدان از قامتىلعاندا، پروفيلاكتيكا شارالارىن ءىشىنارا ساقتاعاندا تاۋلىگىنە 25,5 مىڭ جاعدايعا دەيىن تىركەلەدى.
«پەسسيميستىك سەناري كەزىندە - رەۆاكسيناتسيامەن 40 پايىزدان از قامتىلعاندا، پروفيلاكتيكا شارالارىن ساقتاماعاندا تاۋلىگىنە 40 مىڭعا دەيىن جاعداي تىركەلەدى»، - دەدى ول.
اۆتور: مارلان جيەمباي