الماتى تراگەدياسى: بۇلىكشىلەر ءورت سوندىرۋشىلەردى عيماراتقا قاماپ، جاعىپ جىبەرگەن
الايدا تارتىپسىزدىككە قاتىسۋشىلار ءورت سوندىرۋشىلەردى عيماراتقا قاماپ، قايتا جاعىپ جىبەرگەن، دەپ حابارلايدى قازاقپارات ءتىلشىسى.
«5-قاڭتار كۇنى، ساعات 14.30 دا توتەنشە جاعدايلار دەپارتامەنتىنىڭ 101 پۋلتىنە المالى اۋدانى، بوگەنباي باتىر كوشەسى، 145 مەكەنجايىندا باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى الماتى قالالىق باسقارماسىنىڭ عيماراتى جانىپ جاتقانى تۋرالى حابارلاما ءتۇستى. عيمارات ىشىنە قىزمەتكەرلەردى بەكىتىپ تاستاعان، ولار كومەك سۇراپ ايعايلاپ جاتتى. بۇلىكشىلەردىڭ زاڭسىزدىقتارى ورىن العان كۇردەلى جاعدايعا قاراماستان جانە بويدى ۇرەي بيلەسە دە، قۇتقارۋشىلار ءورت ورنىنا شىقتى»، - دەلىنگەن الماتى قالالىق توتەنشە جاعدايلار دەپارتامەنتىنىڭ مالىمەتىندە.
اقپاراتقا سۇيەنسەك، ءورت ورنىنا كىرەتىن جولداردىڭ اشىق- جابىعىن ت ج د باسشىسى رۋسلان قاسىبايەۆ داعدارىستىق جاعدايلاردى باسقارۋ ورتالىعىنان باقىلاپ، مونيتورينگ جاساپ وتىرعان. سونىڭ ارقاسىندا دەسترۋكتيۆتى ەلەمەنتتەردىڭ بەلسەندى زاڭسىزدىقتارىنا قاراماستان، العاشقى ءورت ءسوندىرۋ بولىمشەلەرى شاقىرتۋ ورنىنا جەتە العان.
«وقيعا ورنىنا جەتكەن كەزدە عيمارات ىشىندە قالعان ادامدار ءوز بەتىمەن شىعا المايتىنى، كەيبىرى شاتىرعا كوتەرىلىپ كەتكەنى انىقتالدى. ءورت سوندىرۋشىلەر سوققىعا جىعىلا وتىرىپ جانە ءورت ءسوندىرۋ تەحنيكاسىنىڭ قيراتىلۋىنا قاراماستان، ادامداردى قۇتقارۋعا كىرىستى. اۆتوساتى، ءورت سوندىرۋگە ارنالعان قول ساتىنىڭ جانە قۇتقارۋ ارقاندارىنىڭ كومەگىمەن 27 ادامدى قۇتقارىپ، 35 ءىن ەۆاكۋاتسيالاۋ مۇمكىن بولدى. الايدا، اپاتتىق- قۇتقارۋ جۇمىستارى اياقتالعان سوڭ، جاپپاي تارتىپسىزدىككە قاتىسۋشىلار ءورت سوندىرۋشىلەردى اياماي تاياقتىڭ استىنا الىپ، وزدەرىن سول عيماراتتىڭ ىشىنە قاماپ تاستادى. سوڭىندا عيماراتتى قايتا جاعىپ جىبەردى. دەگەنمەن، قامالعان ءورت سوندىرۋشىلەر ءورت سوندىرۋگە ارنالعان سۋمەن قامتاماسىز ەتۋدىڭ ىشكى قۇرالىنىڭ كومەگىمەن وتتى ءسوندىرىپ، سىرتقا شىعا الدى»، - دەلىنگەن ۆەدومستۆو حابارلاماسىندا.