«الماتى مەن تالدىقورعاننان باسقا ايماقتاردا بانك بولىمشەلەرى قالىپتى جۇمىس ىستەپ جاتىر. ال الماتىدا بۇكىل بولىمشەلەردىڭ جۇمىسى جاندانعان جوق. بانكتەر تۇگەل قاشىقتان جۇمىس ىستەۋدە، بارلىق قىزمەتتەر موبيلدى قوسىمشالار ارقىلى ۇسىنىلادى»، - دەپ حابارلادى ق ر قارجى نارىعىن رەتتەۋ جانە دامىتۋ اگەنتتىگىنىڭ باسپا ءسوز قىزمەتى.
ولاردىڭ دەرەكتەرىنە ساي، ەلدە، الماتى مەن تالدىقورعاندى قوسپاعاندا، بارلىق بانكوماتتار جۇمىس ىستەپ تۇر. الماتىدا قولدانىستاعى بانكوماتتار سانى شەكتەۋلى. «بارلىق بانكوماتتاردا جەتكىلىكتى كولەمدە اقشا بار»، - دەدى ۆەدومستۆودان.
ەسكە سالا كەتەيىك، 6- قاڭتار كۇنى لاڭكەستىككە قارسى وپەراتسيانىڭ باستالۋى مەن ينتەرنەت جۇمىسىنىڭ ناشارلاۋىنان، سونىمەن قاتار قىزمەتكەرلەر مەن قارجى قىزمەتتەرىنىڭ قاۋىپسىزدىگى ماقساتىندا بارلىق قارجى ۇيىمدارىنىڭ، ونىڭ ىشىندە ەكىنشى دەڭگەيدەگى بانكتەردىڭ جۇمىسى توقتاتىلعان بولاتىن.