«قازاقپارات» حالىقارارالىق اقپارات اگەنتتىگىڭ ۇندەۋدىڭ تولىق ءماتىنىن وقىرمان نازارىنا ۇسىنادى.
قۇرمەتتى جاس قازاقستاندىقتار!
ءبىز، قازاقستان جاستارى، قازاقستاننىڭ داڭقتى تاريحى مەن داستۇرلەرىن جالعاستىرۋشىلار، قوعام مەن مەملەكەتتىڭ جوعارى مۇددەلەرىن نەگىزگە الا وتىرىپ، ەل مەن قازاقستان حالقى الدىنداعى ءوزىنىڭ قاسيەتتى بورىشىن سەزىنە وتىرىپ، بىرلىك پەن ۇيىمشىلدىقتى، بەيبىتشىلىك پەن قوعامدىق كەلىسىمدى، تاۋەلسىزدىكتىڭ مىزعىماس قۇندىلىقتارىن قورعاي وتىرىپ، ەل پرەزيدەنتى ق. ك. توقايەۆقا تەرەڭ قۇرمەت پەن العىس بىلدىرە وتىرىپ، وسى قيىن-قىستاۋ ساتتە ەلىمىزدىڭ جاس ۇرپاعىنا ۇندەۋ جاسايمىز.
ءبىز مەملەكەت باسشىسى ق. ك. توقايەۆتىڭ ق ر كونستيتۋتسياسىنا سايكەس ارەكەت ەتەتىن، قاجەتتى شەشىمدەردى قابىلدايتىن - ەلىمىزدىڭ بارلىق ازاماتتارىنىڭ تىنىشتىعى ءۇشىن كۇرەسەتىن بارلىق باستامالارىن تولىق قولدايمىز!
قازاقستاننىڭ جاس ازاماتتارىن توتەنشە جاعداي تالاپتارىنا، زاڭعا قاتاڭ باعىنۋعا، ەل تىنىشتىعىن بۇزاتىن ارانداتۋشىلاردىڭ سوزىنە سەنبەۋگە، تەك رەسمي دەرەككوزدەرگە عانا سەنۋگە شاقىرامىز.
بۇگىندە ەلىمىزدىڭ بارلىق وڭىرلەرىندە ۆولونتەرلىك شتابتار جۇمىس ىستەيدى، ولارعا جاستار پروبلەمالىق ماسەلەلەردى شەشۋ ءۇشىن جۇگىنە الادى. سونداي-اق جاستار ۆولونتەرلىك شتابتاردىڭ قىزمەتىنە قاتىسا الادى.
وسىنداي سىن ساعاتتا ءبىز ەل پرەزيدەنتىنىڭ اينالاسىنا توپتاسىپ، ءبىرتۇتاس بولۋعا ءتيىسپىز.
بىزگە ەل تىنىشتىعى مەن ىنتىماعى، حالىق بىرلىگى كەرەك!
بىزدە ءبىر ەل، ءبىر حالىق، ءبىر تاعدىر بار!
كۇشىمىز بىرلىكتە!
«Nur Otan» پارتياسى جانىنداعى «Jas Otan» ج ق؛
«قازاقستاننىڭ جاستار كونگرەسى» ز ت ب؛ «اسسامبلەيا جاستارى» ر ق ب؛
«جاس ۇلان» ب ب ۇ» ر ق ب؛
«جاسىل ەل» ر ج ە و ش؛
«قازاقستان ستۋدەنتتەر اليانسى» ر س ق؛
«بولاشاق» حالىقارالىق ستيپەندياسى ستيپەندياتتاردىڭ اسسوتسياتسياسى» ق ب؛
«قازاقستان ك ت ك وداعى» ر ق ب؛
وڭىرلىك جاستار ۇيىمدارى؛
نۇر-سۇلتان، الماتى، شىمكەنت قالالارى مەن وبلىستاردىڭ جاستار رەسۋرستىق ورتالىقتارى.