ازىق- تۇلىك، جانار- جاعار ماي، تاكسي باعاسى باقىلاۋعا الىندى

نۇر- سۇلتان. قازاقپارات – ق ر باسەكەلەستىكتى قورعاۋ جانە دامىتۋ اگەنتتىگى باعا وسىمىنە قاتىستى وتىنىشتەردى قابىلداۋ ءۇشىن قازاقستاننىڭ بارلىق وڭىرىندە «جەدەل جەلى» اشتى، دەپ حابارلايدى قازاقپارات.

قازاقستاندىقتار ءىرى ساۋدا جەلىلەرى مەن سۋپەرماركەتتەردەگى الەۋمەتتىك ماڭىزى بار تاماق ونىمدەرىنە، سونداي- اق گاز، بەنزين، ديزەل وتىنىنا، تاكسي قىزمەتتەرى مەن اگرەگاتورلار قىزمەتتەرىنە باعانىڭ جوعارىلاۋ فاكتىلەرى تۋرالى حابارلاي الادى.

نۇر- سۇلتان قالاسىنداعى تاماق ونىمدەرى بويىنشا «جەدەل جەلى»: 87786681841، 87755926169، 87172750465، 742738 نۇر- سۇلتان قالاسىنداعى سۇيىتىلعان مۇناي گازى، بەنزين، ديزەل وتىنى، تاكسي قىزمەتتەرى مەن اگرەگاتورلار قىزمەتتەرى بويىنشا «جەدەل جەلى»: 87172749914، 749664، 743401، 743126، 749052

وڭىرلەردەگى «جەدەل جەلى»: الماتى قالاسى مەن الماتى وبلىسىندا بايلانىستىڭ تۇراقسىزدىعىنا بايلانىستى باسەكەلەستىكتى قورعاۋ جانە دامىتۋ اگەنتتىگىنىڭ نۇر- سۇلتان قالاسىنداعى تەلەفون نومەرلەرىنە حابارلاسۋ قاجەت.

«باسەكەلەستىكتى قورعاۋ جانە دامىتۋ اگەنتتىگى ءوز تاراپىنان نارىق سۋبەكتىلەرىنە باعالاردى بەلگىلەۋ جانە ۇستاپ تۇرۋ (باعالىق ءسوز بايلاسۋ)، تاۋار ءوندىرۋدى نە وتكىزۋدى نەگىزسىز شەكتەۋ، سونداي- اق تاۋارعا جاساندى تاپشىلىق جاساۋ بولىگىندە ۇستەم نەمەسە مونوپوليالىق جاعدايدى تەرىس پايدالانۋ فاكتىلەرى ق ر ا ق ب ت ك- ءنىڭ 159-بابى بويىنشا سارالاناتىنىن، شاعىن نەمەسە ورتا كاسىپكەرلىك سۋبەكتىلەرى ءۇشىن مونوپوليالىق كىرىس تاركىلەنە وتىرىپ، شاعىن نەمەسە ورتا كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا - مونوپوليستىك قىزمەتتى جۇزەگە اسىرۋ ناتيجەسىندە الىنعان ءتۇسىمنىڭ -%3، ىرى كاسىپكەرلىك سۋبەكتىلەرىنە %5 مولشەرىندە ايىپپۇل سالۋعا اكەپ سوعاتىنىن ەسكەرتەدى»، - دەلىنگەن ۆەدومستۆو حابارلاماسىندا.