«كەيىنگى ۋاقىتتا ب ا ق پەن الەۋمەتتىك جەلىلەردە قازاقستاننىڭ تۇڭعىش پرەزيدەنتىنە قاتىستى كوپتەگەن جالعان قاۋەسەتتەر مەن ارانداتۋشىلىق جازبالار تارالىپ جاتىر. قازىرگى جاعدايدا مۇنداي ارەكەتتى ساياسي جاعدايدى تۇراقسىزداندىرۋ جانە مەملەكەتتىڭ كونستيتۋتسيالىق نەگىزدەرىن بۇزۋ ارەكەتى رەتىندە قاراستىرامىز. بۇرىن مالىمدەگەنىمدەي، ەلباسى وسى كۇندەردە نۇر- سۇلتان قالاسىندا بولىپ، مەملەكەت باسشىسىنا قولداۋ كورسەتتى. الايدا، جاعداي وتە قيىن بولدى، سوندىقتان ەلباسىنىڭ ءوزى قاۋىپسىزدىك كەڭەسىنىڭ ءتوراعاسى لاۋازىمىن پرەزيدەنتكە بەرۋ تۋرالى شەشىم قابىلدادى. ويتكەنى ول ەلدە بولىپ جاتقان تارتىپسىزدىكتەر مەن تەررور مەملەكەت باسشىلىعىنان جەدەل، قاتاڭ جانە ىمىراسىز جاۋاپ تالاپ ەتەتىنىن جاقسى ءبىلدى»، - دەلىنگەن تۇسىنىكتەمەدە.
ونىڭ سوزىنە قاراعاندا، ەلباسى مەن پرەزيدەنت حالىقتى، ۇلت بولاشاعىن قورعاۋ ىسىندە ءبىر شەپتە ارەكەت ەتكەن.
«ەلباسى مەن مەملەكەت باسشىسى ءوز حالقىن، ەلىن جانە ۇلت بولاشاعىن قورعاۋ ىسىندە ءاردايىم ءبىر شەپتە ارەكەت ەتتى. وسى قيىن- قىستاۋ كۇندەردە ولار مەملەكەتتىك بيلىكتىڭ ءبىرتۇتاس ەكەنىن تاعى دا كورسەتتى. وسىناۋ قيىن- قىستاۋ كەزەڭدە نۇرسۇلتان نازاربايەۆ بارلىق ازاماتتاردى حالقىمىزدىڭ بىرلىگى مەن تۇتاستىعىن كورسەتۋگە جانە پرەزيدەنتىمىز - قاسىم- جومارت توقايەۆقا تەرروريستەرگە قارسى كۇرەستە جانە قازاقستانداعى ءومىردى قالىپقا كەلتىرۋدە قولداۋ كورسەتۋگە شاقىرادى. ەلباسى تەرروريستىك شابۋىلدار كەسىرىنەن ادامداردىڭ قازا بولۋىنا بايلانىستى قايعىرادى جانە قازا تاپقانداردىڭ وتباسىلارىنا شىن جۇرەكتەن كوڭىل ايتادى»، - دەلىنگەن ايدوس ۇكىبايدىڭ مالىمدەمەسىندە.