«نازاربايەۆ استانادا ەكەنى تۋرالى، ونىڭ بيلىككە ورالۋىنا قاتىستى دا مالىمدەمەنى كەيبىر ادامدار ءبىرجاقتى قابىلدادى. نۇرسۇلتان نازاربايەۆ الىپ وتىرعان لاۋازىمدارىن (قازاقستان حالقى اسسامبلەياسىن، قاۋىپسىزدىك كەڭەسى، «Nur Otan») مەملەكەت باسشىسى قاسىم- جومارت توقايەۆقا بەرگەنى بەلگىلى. ەلباسى استانادا ەكەنى تۋرالى حابارلاما، ونىڭ ەلدەن قاشىپ كەتپەگەنىن جانە ءوز حالقىمەن بىرگە ەكەنىن بىلدىرەدى. تۇڭعىش پرەزيدەنتتىڭ قىزمەتىن ءبىرىڭعاي نەگاتيۆتى قابىلداۋ كەرەك دەپ سانامايمىن. ول وزگە دە باسشىلار سياقتى قاتىلىكتەرگە جول بەردى. ءبىراق ناق ونىڭ ەڭبەگىمەن ەلدىڭ تاۋەلسىزدىگى، ونىڭ حالىقارالىق مويىندالۋى، ەكونوميكالىق جانە ساياسي رەفورمالار قامتاماسىز ەتىلدى، ۇلتارالىق جانە كونفەسسياارالىق تۇراقتىلىق پەن كەلىسىم قامتاماسىز ەتىلدى»، - دەدى د. اشىمبايەۆ.
ساياسات تانۋشى سونداي- اق، ەلدە بۇلىك شىعارعان سودىرلارعا قاتىستى ايتىپ ءوتتى.
«سودىرلاردىڭ قازاقستانعا شابۋىلى بەيبىتشىلىك پەن كەلىسىمگە، قازاقستان حالقىنا، نازاربايەۆ جۇرگىزىپ كەلگەن ساياساتقا قارسى باعىتتالعانىن ءتۇسىنۋ كەرەك. تاريحىمىزدىڭ بۇل اۋىر كەزەڭىندە پرەزيدەنت توقايەۆتىڭ ەلىمىزدىڭ بەيبىت بولاشاعى مەن تۇراقتى دامۋى ءۇشىن تەرروريزممەن جانە ەكسترەميزممەن كۇرەس بويىنشا كۇش- جىگەرى اينالاسىندا ىنتىماقتاسۋ ماڭىزدى»، - دەپ تۇيىندەدى سپيكەر.