ايتا كەتەيىك، ەلىمىزدە بۇكىل جولاۋشىلار جانە جۇك پويىزدارىنىڭ قوزعالىسى تولىق قالپىنا كەلدى. قازىرگى تاڭدا ساپارعا شىعۋعا اسىققان جولاۋشىلار سانى ارتقان. وسىلايشا جولاۋشىلار ۆاگوندارىنىڭ تولۋى 90 پايىزدان اسىپ كەتتى. سوندىقتان ق ت ج قوسىمشا پويىزداردى ىسكە قوساتىن بولدى.
7-قاڭتاردان باستاپ كومپانيا تەمىر جول بيلەتىن Bilet.railways.kz سايتىندا جانە Kaspi.kz قوسىمشاسىندا ينتەرنەتسىز ساتىپ الۋعا مۇمكىندىك بەردى.
بۇل جاڭالىق ۆوكزالداردا كاسسا الدىنداعى ۇزىنسونار كەزەكتى ازايتۋعا ىقپال ەتتى. سونداي- اق اتالعان سايت ارقىلى كەز كەلگەن باعىتقا بيلەتتىڭ بار- جوعىن بىلۋگە بولادى. تەمىر جول ينفراقۇرىلىمىنا تيەسىلى 15 مىڭنان استام نىسان تولىق ساقتالعان، ستراتەگيالىق عيماراتتار زارداپ شەككەن جوق. كومپانيانىڭ سۋ، جارىق، جىلۋمەن جانە بايلانىسپەن قامتيتىن ۆوكزال شارۋاشىلىقتارى قالىپتى جۇمىس ىستەپ تۇر.