«تەررورلىق قاۋىپتىڭ شەكتى «قىزىل» دەڭگەيى جانە توتەنشە جاعداي رەجيمى ورناۋىنا بايلانىستى باسەكەلەستىكتى قورعاۋ جانە دامىتۋ اگەنتتىگى ساۋدا ورتالىقتارىندا الەۋمەتتىك ماڭىزى بار ازىق-تۇلىك تاۋارى (ءا م ا ت) باعاسىنىڭ نەگىزسىز وسۋىنە جول بەرمەۋ ءۇشىن ءا م ا ت- تىڭ بارشا پوزيتسياسى بويىنشا باعانى كۇندەلىكتى باقىلاۋعا الدى. 7- قاڭتارداعى جاعداي بويىنشا ءا م ا ت باعاسىنىڭ ءوسىمى بايقالمايدى.
ءا م ا ت باعاسىنىڭ نەگىزسىز كوتەرۋ فاكتىلەرىنىڭ جەدەل الدىن الۋ جانە جول بەرمەۋ ماقساتىمەن اگەنتتىك ءوتىنىش-شاعىم قابىلدايتىن شۇعىل جەلىنى ىسكە قوستى.
ەگەر الەۋمەتتىك ماڭىزى بار ازىق-تۇلىك تاۋارىنىڭ باعاسىن نەگىزسىز كوتەرگەن فاكتىلەردى بايقاساڭىز، نۇر-سۇلتان قالاسى بويىنشا 87172749664، 743401، 743126، 749052 تەلەفوندارىنا حابارلاسۋدى سۇرايمىز.
قوڭىراۋ قابىلداۋ نۇر-سۇلتان ۋاقىتىمەن ساعات 9.00. - 18.30 ارالىعىندا ىسكە اسادى. ۇيالى تەلەفون: 87052312423، 87764588885، 87088830262، 87013696128 (قوڭىراۋ قابىلداۋ نۇر-سۇلتان ۋاقىتىمەن ساعات 22.00 دەيىن)»، - دەلىنگەن اگەنتىكتىڭ مالىمەتىندە.
ۆەدومستۆو كۇردەلى كەزەڭدە باعانى زاڭسىز وسىرۋگە باعىتتالعان كەز كەلگەن ارەكەت ايىپپۇل جۇكتەيتىنىن ەسكەرتىپ وتىر.
«اگەنتتىك الەۋمەتتىك ماڭىزى بار ازىق-تۇلىك تاۋارلارىن وندىرەتىن جانە وتكىزەتىن نارىق سۋبەكتىلەرى باعانى نەگىزسىز كوتەرۋ نە ۇستاپ تۇرۋ ءۇشىن كارتەلدىك كەلىسىمگە كەلىپ، ءوندىرىستى نەگىزسىز توقتاتسا، مونوپوليالىق جاعدايىن پايدالانىپ نەگىزسىز تاۋار تاپشىلىعىن تۋىنداتسا، ق ر اكىمشىلىك قۇقىق بۇزۋ تۋرالى كودەكستىڭ 159- بابى بويىنشا مونوپوليالىق ارەكەتىنەن تۇسكەن تابىسىنان كىشى جانە ورتا بيزنەس كاسىپكەرلەرى %3 ايىپپۇل، ءىرى بيزنەس وكىلدەرى %5 ايىپپۇل ارقالايتىنىن حابارلايدى»، - دەپ جازىلعان ۆەدومستۆونىڭ اقپاراتىندا.