بۇل روليكتىڭ ۇ ق ش ۇ اسكەرلەرىنە قاتىسى جوق، دەپ حابارلايدى stopfake.kz.
ارانداتۋشىلىق ۆيدەونى جاريالاعان كەيبىر Telegram-ارنالاردىڭ حابارلاۋىنشا، ۆيدەو NEXTA ارناسىنان تاراعان. وندا بۇل ۆيدەو بار، ءبىراق ونى «ارانداتۋشىلار تاراتقان» دەپ جازىلعان.
كەيىنىرەك ارنادا ۆيدەونىڭ فەيك ەكەنى ايتىلعان تاعى ءبىر اقپارات شىقتى.
- ۆيدەوداعى ادامداردىڭ ۇ ق ش ۇ اسكەرلەرىنە قاتىسى جوق. ونى تاراتقان ادامداردىڭ قانداي ماقساتتاردى كوزدەگەنى بەلگىسىز، - دەلىنگەن ماتىندە.
ۆيدەوداعى ساربازدىڭ ۇ ق ش ۇ كۇشتەرىمەن كەلگەنىن راستاۋ مۇمكىن ەمەس. كادردا كەيىپكەردىڭ اسكەري قىزمەتشى ەكەنىن دالەلدەي الاتىن ەشقانداي سايكەستەندىرۋ بەلگىلەرى، قايدا تۇسىرىلگەنى نەمەسە باسقا بەلگىلەر كورىنبەيدى.
«قازىرگى ۋاقىتتا ۆيدەونى تولىعىمەن تەكسەرۋ مۇمكىن ەمەس، ءبىراق ونى مانيپۋلياتسيا دەپ ساناۋعا بولادى. سونداي- اق، ۆيدەو جەلىدە جاريالانعان كەزدە قازاقستانعا بىتىمگەرلەردىڭ كەلۋى تۋرالى دەرەكتەر ءالى بولماعانىن اتاپ وتكەنىمىز ءجون»، - دەلىنگەن stopfake.kz مالىمەتىندە.