«قاستەرلى وتانىمىز - قازاقستان الەم كارتاسىنداعى ەگەمەن ەل رەتىندە قۋاتتى مەملەكەتكە اينالادى. ەكونوميكامىز اناعۇرلىم قارقىندى داميدى. ازاماتتارىمىزدىڭ الەۋمەتتىك جاعدايى جاقسارا تۇسەدى. مەن مۇنى زور سەنىممەن ايتىپ تۇرمىن. ويتكەنى، وعان قول جەتكىزۋ ءۇشىن قاجەتتى رەفورمالار مەن ناقتى ءىس- شارالار جوسپارىن ۇسىناتىن بولامىن. بارشاڭىزعا زور دەنساۋلىق، قۇت- بەرەكە تىلەيمىن! تەك قانا امانشىلىقتا كەزدەسە بەرەيىك»، - دەپ تۇيىندەدى قاسىم- جومارت توقايەۆ قازاقستان حالقىنا ۇندەۋىن.
بولاشاقتا باسىمىزدان وتكەرگەن قايعىلى جاعدايدان ساباق الۋىمىز كەرەك. بۇنىڭ الەۋمەتتىك- ەكونوميكالىق اۋىرتپالىعى دا بار.
ۇكىمەت مەنىڭ 11 - قاڭتاردا ماجىلىستە ايتاتىن سوزىمە قاتىستى ناقتى شەشىمدەر قابىلداۋى كەرەك.
ق ر پرەزيدەنتى قاسىم- جومارت توقايەۆ ەلدەگى جاعدايعا بايلانىستى قازاقستان حالقىنا جولداعان ۇندەۋىندە شالاعاي بەلسەندىلەردىڭ ورتاق ىسكە قالاي كەسىرىن تيگىزگەنىن ايتتى.
«ەسكە سالسام، مەنىڭ ۇسىنىسىم بويىنشا، 2020 -جىلدىڭ مامىرىندا ازاماتتاردىڭ بەيبىت جيىنى تۋرالى زاڭ قابىلدانعان بولاتىن. شىن مانىندە بۇل زاڭ - ەلىمىزدە دەموكراتيانى ىلگەرىلەتۋدەگى ماڭىزدى قادام. ويتكەنى ول ميتينگتەر مەن جيىنداردىڭ رۇقساتتىق سيپاتىن ەمەس، ەسكەرتۋ سيپاتىن كوزدەيدى»، - دەگەن پرەزيدەنت اتالمىش زاڭ ميتينگتەر مەن جيىنداردى ەلدەگى بارشا قالالاردىڭ ورتالىق اۋداندارىندا وتكىزۋگە مۇمكىندىك بەرەتىنىن ەسكە سالدى.
«ءبىراق جەكەلەگەن «قۇقىق قورعاۋشىلار» مەن بەلسەندىلەر وزدەرىن زاڭنان جوعارى قويىپ، قاي جەردە قالاسا سول جەردە جينالىپ، ويىنا كەلگەنىن ايتۋعا قۇقىلىمىز دەپ ەسەپتەيدى. وسىنداي شالاعاي بەلسەندىلەردىڭ كەسىرىنەن پوليتسيا قوعامدىق ءتارتىپتى كۇزەتۋدەگى نەگىزگى جۇمىستارىنان باسقاعا نازار اۋدارۋعا ءماجبۇر. كوبىنەسە ولارعا كۇش قولدانۋ مەن قورلاۋعا تاپ بولىپ جاتىر. وسىنداي بەلسەندىلەردىڭ كەسىرىنەن ينتەرنەت جەلىسى تارىلادى. سالدارىنان ميلليونداعان ازاماتتار مەن وتاندىق بيزنەستىڭ مۇددەسىنە نۇقسان كەلىپ جاتىر»، - دەدى قاسىم- جومارت توقايەۆ.
اۆتور: مارلان جيەمباي