«الماتى قالاسىندا نارازىلىقتار 3-قاڭتاردا باستالعانى بەلگىلى. باستاپقىدا ولار بەيبىت سيپاتتا بولدى. پوليتسيا مەن ۇلتتىق ۇلان نارازىلىق بىلدىرۋشىلەرگە قارسى اتىس قارۋىن مۇلدەم قولدانباعان. ورتالىقتان قۇقىقتىق ءتارتىپتى ساقتاۋعا جانە كوپشىلىكتى ۇستاۋعا تاپسىرما بەرىلدى. الايدا كەيىنىرەك بەيبىت نارازىلىق بىلدىرۋشىلەردىڭ داۋىستارى ارانداتۋشىلاردى زورلىق-زومبىلىق پەن تارتىپسىزدىككە شاقىردى. جينالعانداردى قولدارىندا قارۋ، ارماتۋرا، سويىل مەن «مولوتوۆ كوكتەيلى» بار بانديتتەر مەن تەرروريستەر باستاپ جۇرگەن. اكىمدىك عيماراتىن باسىپ العاننان كەيىن قالا ءىس جۇزىندە بانديتتەر مەن تەرروريستەردىڭ قول استىندا قالدى»، - دەپ ەسكە الدى داۋرەن ابايەۆ «حابار 24» تەلەارناسىنىڭ ەفيرىندە.
ونىڭ ايتۋىنشا، تارتىپسىزدىكتى ۇيىمداستىرۋشىلار ەكى توپقا ءبولىنىپ ارەكەت ەتكەن. «بانديتتەردىڭ ءبىر بولىگى بۇزاقىلىقپەن شۇعىلدانسا، تەرروريست-سودىرلاردان قۇرالعان ەكىنشى ۇيىمداسقان توپ قارۋ-جاراق دۇكەندەرىنە شابۋىل جاساپ، سوققىعا جىعىلعان پوليتسيا مەن اسكەري قىزمەتكەرلەردەن ارنايى قورعانىس قۇرالدارىن تارتىپ العان. باسقىنشىلار كاسىبي تۇردە ارەكەت ەتتى»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
اۆتور: ەسىمجان ناقتىباي