«نۇر- سۇلتان قالاسىندا قوعامدىق كولىكتەر شتاتتىق رەجيمدە جۇمىس ىستەپ جاتىر» ، - دەدى اقمارال ولجابايەۆا اگەنتتىك تىلشىسىنە.
ونىڭ ناقتىلاي تۇسۋىنشە، ەلوردادا ينتەرنەت شەكتەلگەن. وسىعان بايلانىستى بانك قوسىمشاسى ارقىلى جولاقىسىن تولەي الماعان جولاۋشىلار دىتتەگەن جەرىنە تەگىن بارا الادى. سونىمەن قاتار جولاۋشىلار ارناۋلى جول ءجۇرۋ كارتاسى ارقىلى جولاقىنى تولەي الادى.
بۇعان دەيىن ەلوردادا بانكتەردەن باسقا بارلىق نىسان شتاتتىق رەجيمدە جۇمىس ىستەپ تۇرعانىن حابارلاعان ەدىك. كەشە مەملەكەت باسشىسى نۇر- سۇلتان قالاسىندا توتەنشە جاعداي ەنگىزۋ تۋرالى جارلىققا قول قويدى.