قازاقستاندىق تەننيسشى ءۇندىستانداعى جارىستىڭ فينالىنا شىقتى

نۇر-سۇلتان. قازاقپارات - قازاقستاندىق اننا دانيلينا جۇپتىق سىندا ءۇندىستاننىڭ ناۆي-مۋمباي قالاسىندا ءوتىپ جاتقان W25 تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

وسى جارىستىڭ 1-راكەتكالارى بولىپ تىركەلگەن ا. دانيلينا ۋكراينالىق ۆالەريا ستراحوۆامەن بىرگە جارتىلاي فينالدا رەسەيلىك ەكاتەرينا ياشينا مەن ءۇندىستاندىق پراتانا تومبارەمەن شەبەرلىك بايقاستى.

قازاقستاندىق-ۋكراينالىق جۇپ قارسىلاستارىن 6:3، 6:3 ەسەبىمەن ۇتتى.

اتالمىش دودادا تاعى ءبىر قازاقستاندىق جىبەك قۇلامبايەۆا دا فينالعا شىعۋى مۇمكىن. ول لاتۆيالىق ديانا مارتسينكيەۆيچپەن بىرگە جارتىلاي فينالدا جاپونيالىقتار ناحو ساتو - مويۋكا ۋچيجيمامەن وينايدى.

ەسكە سالا كەتەيىك، بۇدان بۇرىن اننا دانيلينانىڭ ءۇندىستانداعى تۋرنيردىڭ جەڭىمپازى اتانعانىن، ەلەنا رىباكينانىڭ الەمدىك رەيتينگىدە جىلدى توپ-15-تە اياقتاعانىن جازعان بولاتىنبىز.