وعان سايكەس، جاپونيانىڭ 47 پرەفەكتۋراسىنىڭ 22-سىندە كوروناۆيرۋستىڭ وميكرون شتامى انىقتالعان، دەپ حابارلايدى قازاقپارات Kyodo اگەنتتىگىنە سىلتەمە جاساپ.
دەرەكتەرگە ساي، ەلدە 500 ادام وميكرون شتامىن جۇقتىرعان. جاڭا جىلدىق مەرەكەلەر كەزىندە جۇقتىرۋ جاعدايلارى ودان دا ارتىپ، مەديتسينا جۇيەسىنە ەداۋىر سالماق ءتۇسۋى مۇمكىن. وميكرون جۇقتىرۋ جاعدايلارىنىڭ باسىم بولىگى كارانتين كەزىندە تىركەلگەن. سونىمەن قاتار بۇل شتامم توكيو مەن وساكۋدى قوسقاندا، قالالىق اۋداندار تۇرعىندارىنىڭ اراسىندا دا تارالعان.
جاپونيا پرەمەر- ءمينيسترى فۋميو كيسيدا قوعامدى كوروناۆيرۋستىڭ تارالۋىن الدىن الۋ ماقساتىندا قوسىمشا شارالاردى قابىلداۋعا شاقىردى، سەبەبى مەرەكە الدىندا ادامدار جاپونيا بويىنشا ساياحات جاساي باستايدى. ول ادامداردان مەرەكەگە وراي تۋعان قالالارىنا ورالۋ تۋرالى مۇقيات ويلانۋدى سۇرادى. سونىمەن قاتار ساپار كەزىندە ماسكا تاعىپ، قول جۋىپ، الەۋمەتتىك قاشىقتىقتى ساقتاۋعا شاقىردى.
اۆتور: ءبيبىحان سەرىكوۆا