ون جىلدا ءبىر وتەتىن شارا تاعى نەسىمەن ەرەكشەلەندى؟
تاۋەلسىزدىك العاننان كەيىن العاشقى جىلدارى قازاقستاندا حالىق سانى ازايدى. بۇعان تابيعي فاكتورلار، ياعني ءولىم- ءجىتىم جانە تۋۋ كورسەتكىشتەرى مەن ەميگراتسيا اسەر ەتتى. بۇل تەندەنسيا 2003 -جىلعا دەيىن ساقتالدى. سالىستىرمالى تۇردە ايتار بولساق، 1991 -جىلى حالىق سانى 16,5 ميلليونعا جۋىقتادى. ال 1999- جىلى 14 ميلليون 953 مىڭنان استى.
قازاقستانداعى حالىق سانى 1999- جىلى - 14 ميلليون 953000، 2009- جىلى - 16 ميلليون 9000، 2021 جىلى - 19 ميلليون 169000 .
ەل اۋماعىندا 130-عا جۋىق ۇلت پەن ۇلىس ءومىر سۇرەدى. سونىڭ ىشىندە باسىم ۇلتتىڭ ۇلەسى جىل ساناپ ارتىپ كەلەدى. ءبىرىنشى ساناقتان كەيىن، ياعني 1999 -جىلى حالىقتىڭ % 53- ءتى قازاق بولسا، 2009 –جىلى % 63- كە جەتتى.
ولجاس سايلاۋبەك ۇلى، «حالىق ساناعى 2021» شاراسىنىڭ رەسمي وكىلى:
- حالىق ساناعىنىڭ ناتيجەسى بويىنشا حالىق سانى 19169550 ادامدى قۇرادى. ونىڭ ىشىندە % 48,71 ەر ازاماتتار % 51,29 ايەلدەر. مۇنان بولەك ۇلتتىق قۇرام بويىنشا قازاق ۇلتىنىڭ ۇلەسى % 70,18، ورىس % 15,81، ۇشتىكتە وزبەك ۇلتىنىڭ وكىلدەرى ولاردىڭ ۇلەسى % 3,22.
بيىلعى حالىق ساناعى ءوز ەرەكشەلىكتەرىمەن ەستە قالدى. مىسالى، تۇركىستان، قىزىلوردا جانە قوستاناي وبلىستارىندا سوۆەت وداعى كەزىندەگى تولقۇجاتپەن جۇرگەندەر بولعان. بۇدان بولەك ەلىمىزدە جىنىسى «اۋىسقان» ادامدار انىقتالدى.
ولجاس سايلاۋبەك ۇلى، «حالىق ساناعى 2021» شاراسىنىڭ رەسمي وكىلى:
- ءتورت ەر ادام، مىسالى، مەملەكەتتىك بازادا ايەل ادام دەپ كورسەتىلگەن، ءۇش ايەل ادام مەملەكەتتىك بازادا ەر ادامدار رەتىندە وتكەن. ولار ەندى ستاتۋسىن وزگەرتۋ ءۇشىن حالىققا قىزمەت كورسەتۋ ورتالىقتارىنا جۇگىنەدى.
سوڭعى ون جىلدا حالىق سانى 3 ميلليون ادامعا كوبەيگەن. سوعان سايكەس، ۇلتتىق ساناققا جۇمسالعان شىعىن دا ۇلعايعان. وتكەن ساناققا 6,5 ميلليارد تەڭگە كەتسە، بيىلعى شاراعا 9 ميللياردتان استام تەڭگە جۇمسالعان. ۇلتتىق ساناقتى ۇيىمداستىرۋشىلاردىڭ ايتۋىنشا، بۇعان ينفلياتسيانىڭ دا ىقپالى بار.
www.24.kz