قاڭتار ايىنىڭ باسىندا قازاقستان اۋماعىنىڭ باسىم بولىگىندە جوعارى قىسىم ايماعىنىڭ اسەرى ساقتالادى، وسىعان بايلانىستى ايازدى، بۇلتى از اۋا رايى بولجانادى. الايدا ەلىمىزدىڭ باتىس ايماقتارىنا سولتۇستىك سيكلون جىراسىنىڭ تەرەڭدەۋىمەن، جاۋىن-شاشىن، جەلدىڭ كۇشەيۋى، كوكتايعاق بولجانادى. سيكلون جىراسىنىڭ شىعىس باعىتتا ىعىسۋىنا بايلانىستى رەسپۋبليكانىڭ قالعان اۋماعىندا دا اۋا رايىنىڭ سيپاتى تۇراقسىز.
سولتۇستىك وڭىرلەردە بۇرقاسىن، ەكپىندى جەل، وڭتۇستىك وڭىرلەردە جاۋىن-شاشىن (قار مەن جاڭبىر تۇرىندە)، كوكتايعاق جانە تۇمان بولادى.
اۋا تەمپەراتۋراسى ەلدىڭ سولتۇستىك جارتىسىندا تۇندە -17-28 °С -تان -3-13 °С -قا دەيىن، كۇندىز -10-18 °С -تان 0,-8 °С -قا دەيىن، وڭتۇستىك جارتىسىندا كۇندىز 5 12 °С -قا دەيىن، ەلدىڭ باتىسىندا -3 2 °С -قا دەيىن بىرتىندەپ جوعارىلايدى. ءبىرىنشى ونكۇندىكتىڭ ورتاسىندا ەل اۋماعىنا كەزەكتى سۋىق انتيسيكلون اسەر ەتە باستايدى.
رەسپۋبليكانىڭ باسىم بولىگىندە جاۋىن-شاشىن توقتايدى جانە اۋا تەمپەراتۋراسى بىرتىندەپ تومەندەيدى. سولتۇستىك-باتىستا، سولتۇستىكتە، ورتالىقتا، ال ءبىرىنشى ونكۇندىكتىڭ سوڭىندا ق ر شىعىسىندا تۇنگى ساعاتتاردا تەرمومەتر باعانى -17-32 °С -قا دەيىن، وڭتۇستىك جارتىسىندا -3-13 °С -قا دەيىن، باتىسىندا -8-23 °С -قا دەيىن تومەندەيدى.
مۇنداي اۋا رايى ۇزاققا سوزىلمايدى، ويتكەنى انتيسيكلوننىڭ ورنىنا سكانديناۆيا ايماقتارىنان سيكلون قايتادان اۋىسادى، ونىڭ اسەرىنەن تۇراقسىز اۋا رايى ساقتالادى جانە اياز السىرەيدى.
كونسۋلتاتيۆتىك اۋا رايى بولجامىنا سايكەس 2022 -جىلعى قاڭتاردىڭ ەكىنشى جانە ءۇشىنشى ونكۇندىگىندە قازاقستاننىڭ باسىم بولىگىندە اۋا رايى ءبىرىنشى ونكۇندىكتەگى سياقتى ءجيى وزگەرەدى.
ايازدى كۇندەر جىلى كۇندەرمەن الماسادى، قار جاۋادى، بۇرقاسىن مەن ەكپىندى جەل بولجانادى، ق ر وڭتۇستىك جارتىسىندا نەگىزىنەن جاۋىن-شاشىن (جاڭبىر، قار)، كوكتايعاق قۇبىلىستارى مەن تۇمان قۇبىلىستارى بولادى.
يران اۋداندارىنان رەسپۋبليكانىڭ باسىم بولىگىنە جىلى اۋا ماسسالارى كەلەدى. سونىڭ اسەرىنەن اۋانىڭ ورتاشا ايلىق تەمپەراتۋراسى نورمادان 1-2 °С جوعارى بولادى.
تەك ەلدىڭ سولتۇستىك-باتىس بولىگىنە سيكلوننىڭ بيىك جىراسىنىڭ ءجيى اسەر ەتۋىمەن اۋا تەمپەراتۋراسى كليماتتىق نورما شاماسىندا كۇتىلەدى.
جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورماعا جۋىق. قازاقستاننىڭ سولتۇستىك جارتىسىندا، وڭتۇستىكتىڭ، وڭتۇستىك-شىعىستىڭ، شىعىستىڭ تاۋلى جانە تاۋ بوكتەرىندەگى ايماقتارىندا نورمادان كوپ بولادى دەپ كۇتىلۋدە. ماڭعىستاۋ وبلىسىنىڭ وڭتۇستىگىندە، قىزىلوردا وبلىسىنىڭ وڭتۇستىك-باتىسىندا نورمادان از.
سيكلوندىق ارەكەت جانە انتيسيكلوننىڭ ءجيى اسەرىنەن ءبىر اي ىشىندە اۋا تەمپەراتۋراسىنىڭ اۋىتقۋى بولجانادى: ق ر سولتۇستىك جارتىسى مەن باتىسىندا تۇندە -25-35 °С تان -3-13 °С -قا دەيىن، كۇندىز -15-25 °С تان -5 5 °С -قا دەيىن. ق ر وڭتۇستىك جارتىسى مەن وڭتۇستىك-باتىسىندا تۇندە -10-28 °С تان -5 5 °С -قا دەيىن، كۇندىز -5-10 °С تان 5 15 °С -قا.