پروفەسسور الماز شارماننىڭ ايتۋىنشا، وميكرون نۇسقاسىنىڭ پايدا بولۋ سەبەپتەرىنىڭ ءبىرى، ۆاكسينالانباعان ادامداردىڭ اعزاسىندا ۆيرۋستىڭ ۇزاق رەپليكاتسياسىنىڭ بولۋىنان تۋىندايدى. «وميكرون نۇسقاسى يممۋندىق قورعانىستى جەڭە الادى. يممۋندىق جاۋاپتى كۇشەيتۋ ءۇشىن وتە ماڭىزدى تەتىكتى - بۋستەرلىك دوزامەن رەۆاكسيناتسيانى بارىنشا قوسۋدىڭ ۋاقىتى كەلدى»، - دەيدى الماز شارمان.
مەديتسينا پروفەسسورى رەۆاكسيناتسيانى ۇسىنادى، ويتكەنى بۇل بەيتاراپتاندىراتىن انتيدەنەلەر دەڭگەيىن ىنتالاندىراتىن ءۇشىنشى ۆاكسينا، ول شىنىمەن كوروناۆيرۋستان قورعايدى. سونىمەن قاتار، ءۇشىنشى ۆاكسينا اۋرۋدىڭ اۋىر تۇرلەرىنەن قورعايدى. ول جوعالعان يممۋندىق قورعانىستى قالپىنا كەلتىرەدى. 60 جاستان اسقان ادامدارعا، سونداي- اق ديابەتپەن، سەمىزدىكپەن، گيپەرتونيامەن، جۇرەك-تامىر، اۋتويممۋندىق جانە باسقا اۋرۋلارمەن اۋىراتىن ادامدارعا قايتا ۆاكسيناتسيالاۋ وتە ماڭىزدى. ادامداردىڭ بۇل ساناتتارى وميكرون پايدا بولۋ قارساڭىندا ءبىرىنشى كەزەكتە ۆاكسينالاۋدى جانە ريەۆاكسيناتسيانى قاجەت ەتەدى.
«ۆيرۋستىڭ بۇل نۇسقاسىنا نەمقۇراي قاراۋعا بولمايدى. بۇل ينفەكسيالاردىڭ الدىن الۋ ءۇشىن بارىمىزگە، سونىڭ ىشىندە بالالارعا دا شارالار قابىلداۋ كەرەك»، - دەدى پروفەسسور. عالىم وميكرون سوڭعى مۋتاتسيالانعان ۆيرۋستاردىڭ ءبىرى تاعى ءبىر تولقىن تۋدىرۋى مۇمكىن ەكەنىن ايتتى.
«بۇل پاندەميانىڭ سوڭعى كەزەڭى بولادى دەپ ۇمىتتەنەمىن، ءبىراق كوروناۆيرۋس ەش جەردە جويىلماسا دا، بۇل ەندەميكالىق ينفەكسيا بولادى، ول مەزگىل-مەزگىل ءوزىن ەسكە سالادى. 2022 -جىلى ءبىز بىلەتىن پاندەميا اياقتالادى دەپ ۇمىتتەنەمىن»، - دەپ قورىتىندىلادى ءسوزىن الماز شارمان.
اۆتور: الما مۇقانوۆا