ءىس-شارا قوناقتارى قاتارىندا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سامات ەرعاليەۆ، الەمنىڭ 4 دۇركىن رەكوردشىسى، سونىمەن قاتار قازاقتىڭ ايگىلى بالۋاندارى قاجىمۇقان مۇڭايتپاسوۆ پەن بالۋان شولاقتىڭ ءداستۇرىن جالعاستىرۋشى، گىر سپورتىنان سپورت شەبەرىنە ۇمىتكەر سەرگەي تسىرۋلنيكوۆ، نۇر-سۇلتان قالاسىنىڭ ترياتلون فەدەراتسياسى پرەزيدەنتى ەرجان ءبىرجانوۆ بولدى.
سونداي-اق، ەلىمىزدىڭ تانىمال سپورتشىلارىمەن دەنە شىنىقتىرۋ جانە سپورت باسقارماسى باسشىسى سامات جىلقىبايەۆ قاتىستى.
«نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن 2021-جىلدىڭ قورىتىندىسى بويىنشا ۇزدىك سپورتشىلار مەن سپورت قىزمەتكەرلەرىن ماراپاتتاۋ راسىمىنە قوش كەلدىڭىزدەر! مەملەكەت باسشىسى قاسىم-جومارت كەمەل ۇلى قازاقستان حالقىنا جولداۋىندا بۇقارالىق سپورتقا باسا ءمان بەرۋىمىز كەرەك دەگەن بولاتىن. وسى تاپسىرمانى ورىنداۋ ماقساتىندا بۇگىنگى تاڭدا ءبىرقاتار جۇمىس قولعا الىندى. بۇگىنگى ۇزدىكتەر سول جەتىستىكتەردىڭ دالەلى. كەلەسى جىلدا ءبىزدىڭ سپورتىمىز ءۇشىن جەمىستى جىل بولادى دەگەن سەنىمدەمىز. بارشاڭىزدى تاۋەلسىزدىكتىڭ 30 جىلدىعىمىەن قۇتتىقتايمىن! ەگەمەن ەلىمىز وركەندەي بەرسىن! سپورتشىلارىمىز كوك بايراعىمىزدى بيىكتە جەلبىرەتىپ، ءانۇرانىمىزدى اسقاقتاتا بەرگەي! جەڭىستى كۇندەرىمىز كوپ بولسىن!» - دەدى م س م سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سامات ەرعاليەۆ.
بيىلعى جىل قورىتىندىسى بويىنشا وليمپيادالىق، وليمپيادالىق ەمەس سپورت تۇرلەرىنەن دامىتۋ ديرەكسيالارى سپورتشىلارى مەن جاتتىقتىرۋشىلارى قالا اكىمى التاي كولگىنوۆتىڭ العىس حاتىمەن ماراپاتتالدى.
سونىمەن قاتار، باسقارماعا قاراستى مەكەمەلەر اراسىندا «ۇزدىك مەكەمە»، «ۇزدىك باسشى»، «ۇزدىك باسشى ورىنباسارى»، «ۇزدىك ادىسكەر»، «ۇزدىك ەسەپشى»، «ۇزدىك كادر مامانى»، «ۇزدىك جاتتىقتىرۋشى»، «ۇزدىك زاڭگەر»، «ۇزدىك باسپا ءسوز حاتشىسى»، «جىل قىزمەتكەرى»، «ۇزدىك سپورتشى»، «ۇزدىك دارىگەر»، «ۇزدىك پسيحولوگ» جانە «ۇزدىك ديزاينەر» اتالىمدارى بويىنشا 14 ارنايى جۇلدە تابىستالدى.
ال جىلدىڭ «ۇزدىك مەكەمەسى» اتالىمىن سپورتتى وليمپيادالىق ەمەس تۇرلەرى بويىنشا دامىتۋ ديرەكتسياسى جەڭىپ الدى.
«وسى جىلعى جىل قورىتىندىسى بويىنشا ۇزدىك باسشىنىڭ ورىنباسارى» جۇلدەسى ماعان بۇيىردى. مەن ءوزىم «سپورتتى وليمپيادالىق تۇرلەرى بويىنشا دامىتۋ ديرەكتسياسىندا» قىزمەت ەتەمىن. وتە قۋانىشتىمىن. بۇل تەك مەنىڭ جەڭىسىم ەمەس بارلىق ۇجىمنىڭ جەڭىسى دەپ ەسەپتەيمىن.
ەڭبەگىمىزدىڭ باعالانعانىنا العىسىم شەكسىز» - دەدى «ۇزدىك باسشى ورىنباسارى» لولا توقتامۇرات قىزى.
مەرەكەلىك ءىس-شارا بارىسىندا جىلدىڭ ۇزدىكتەرىنە ارناپ كونسەرتتىك باعدارلاما ۇيىمداستىرىلدى.