جاڭا ستانسالار - الماتى مەتروپوليتەنىنىڭ ەكىنشى ىسكە قوسۋ كەشەنى. ونىڭ دايىندىعى قازىرگى كەزدە - 96 پايىز. جول اباي داڭعىلىنىڭ استىندا، ى. التىنسارين داڭعىلىنان ياسساۋي كوشەسىنە دەيىنگى باتىس باعىتتا ورنالاسقان. ارالىق توننەلدەردەن جانە «سارى ارقا» جانە «ب. مومىش ۇلى» ەكى ستانسيادان تۇرادى. جەلى ۋچاسكەسىنىڭ ۇزىندىعى - 3,8 شاقىرىم.
«سارى ارقا» ستانسياسى «فەميلي» پاركىنىڭ اۋدانىندا ورنالاسقان، تەرەڭ توسەلگەن، پيلون ءتيپتى، قوزعالىسى شەكتەۋلى توپتارى ءۇشىن 2 ليفتى، 8 ەكسكالاتورى بار ەكى كىرۋ توبىنان تۇرادى. «ب. مومىش ۇلى» ستانتسياسى اباي داڭعىلىنىڭ استىندا، ب. مومىش ۇلى كوشەسىنىڭ باتىسىندا ورنالاسقان. شاعىن قۇرىلىس ستانسياسى، كولوننا ءتيپتى. ول ەكى جەراستى لوببيىنەن جانە التى كىرۋ توبىنان تۇرادى. 6 ليفت جانە 15 ەسكالاتور قاراستىرىلعان. بۇگىندە نەگىزگى قۇرىلىس- مونتاجداۋ جۇمىستارى اياقتالدى جانە ىسكە قوسۋ- جوندەۋ جۇمىستارى باستالدى، ساۋلەت- ارلەۋ جۇمىستارى، ينجەنەرلىك جەلىلەر، اۆتوماتيكا جۇيەلەرى جانە پايدالانۋ جابدىعىن مونتاجداۋ اياقتالۋ ساتىسىندا.
مەتروپوليتەن جولاۋشىلارىنا جايلى جانە قاۋىپسىز جاعدايلار جاساۋ ءۇشىن قولدانىستاعى مەتروپوليتەنمەن اۆتومات جابدىقتارى مەن جۇيەلەرىن بىرىكتىرۋدى، سونداي- اق ەلەكتر جىلجىمالى قۇراممەن جولدار بويىنشا دومالاتۋدى قامتيتىن ىسكە قوسۋ- جوندەۋ جۇمىستارى قاراستىرىلعان.
بۇل ستانسيالار قالانىڭ حالىق تىعىز ورنالاسقان اۋداندارىندا ورنالاسقان، پايدالانۋعا بەرۋ كەزىندە كۇتىلەتىن جولاۋشىلار اعىنى كۇنىنە 40 مىڭ ادامنان 86 مىڭ ادامعا دەيىن ارتادى، بۇل جالپى قالانىڭ كوشە- جول جەلىسى مەن كولىك ينفراقۇرىلىمىنىڭ جۇكتەمەسىن بىرنەشە ەسە ازايتادى.
ەسكە سالساق، بۇعان دەيىن تاۋەلسىزدىكتىڭ 30 جىلدىعىنا وراي، تۇڭعىش پرەزيدەنت كۇنى مەن الماتى مەتروپوليتەنىنىڭ 10 جىلدىعىنا وراي 8 جاڭا ەلەكتر جىلجىمالى قۇرام پايدالانۋعا بەرىلگەن بولاتىن. ولاردى وڭتۇستىك كورەيالىق Hyundai Rotem كومپانياسى الماتى مەتروپوليتەنى ءۇشىن ارنايى وندىرگەن. بۇگىندە مەتروپوليتەندە 15 پويىز جۇمىس ىستەيدى.
اۆتور: الما مۇقانوۆا