وسىلايشا، الەۋمەتتىك قولداۋ حالىقتىڭ قورعالماعان توپتارىنا كورسەتىلەدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
قايىرىمدىلىق اكسيا شەڭبەرىندە از قامتىلعان، كوپ بالالى وتباسىلارعا، سونداي-اق ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارعا كومەك كورسەتىلەدى.
ماسەلەن، ەلوردادا 100 دەن استام ازىق-تۇلىك جيىنتىعى قۇراستىرىلىپ، تاسىمالداندى. ازىق-تۇلىك كومەگى جالپى سالماعى 120 ك گ- عا دەيىنگى قاجەتتى تاۋارلاردان، سونىڭ ىشىندە ۇننان، كارتوپتان، جەمىستەردەن، كۇرىشتەن، قاراقۇمىقتان، شايدان، قانتتان، كۇنباعىس مايىنان جانە جاڭا جىلعا ارنالعان تاتتىلەردەن تۇرادى.
مۇقتاجدار ءتىزىمىن جاساۋدى جانە اتاۋلى كومەكتى قازاقستاننىڭ بارلىق وڭىرلەرىندە ۇسىنىلعان ەلوردا اكىمدىگىمەن جانە LIDER KZ ەرىكتىلەر قوزعالىسىمەن ارىپتەستىكتە نۇرسۇلتان نازاربايەۆ قورى مەن «دەگدار» گۋمانيتارلىق قورى جۇزەگە اسىرادى.
«جاڭا جىل قارساڭىندا وتكىزىلەتىن» ەلباسى جىلۋى» اكسياسى حالىقتىڭ وسال توپتارىن قولداۋعا باعىتتالعان، اسىرەسە وتباسىلىق مەرەكە كەزىندە، بۇكىل وتباسى داستارحان باسىنا جينالادى. ءبىز قازاقستاندىقتاردى كەلە جاتقان جاڭا جىلمەن قۇتتىقتايمىز جانە بارلىق وتانداستارىمىزدى كومەككە مۇقتاج ادامدارعا قولداۋ كورسەتە وتىرىپ، جاقسىلىق جاساۋعا شاقىرامىز»، - دەدى «دەگدار» گۋمانيتارلىق قورىنىڭ ديرەكتورى لاۋرا احمەتوۆا.