ءالىمحان ۇلى بوكس جانكۇيەرلەرىنە «جىل سەرپىنى» نوميناتسياسىنىڭ جەڭىمپازىن تاڭداۋ ۇسىنىلاتىن Top Rank پوستەرىنە شىقتى.
بيىل جانىبەك ءالىمحان ۇلى ەكى جەكپە- جەك وتكىزدى. ورتا سالماقتاعى بۇرىنعى الەم چەمپيوندارى امەريكالىق بوكسشى روب برانتپەن (26-3، 18 ك و) جانە فرانسۋز حاسسان ندام نجيكاممەن (38-6، 21 ك و) جۇدىرىقتاستى. ەكەۋىن دە ءالىمحان ۇلى سەگىزىنشى راۋندتا تەحنيكالىق نوكاۋتپەن جەڭدى. بۇل جەڭىستەر قازاقستاندىققا WBO تۇجىرىمى بويىنشا ورتا سالماقتاعى الەم چەمپيونى امەريكالىق بوكسشى دەمەتريۋس اندرادەمەن (31-0، 19 ك و) كەزدەسۋىنە مۇمكىندىك بەردى.