اقتوبەدە ءىرى قارادان قانداي اۋرۋ شىققانى انىقتالدى
بۇل تۋرالى زەرتحانالىق تەكسەرۋدەن سوڭ بەلگىلى بولدى، دەپ حابارلايدى قازاقپارات ءتىلشىسى.
ۆەتەريناريالىق باقىلاۋ جانە قاداعالاۋ كوميتەتىنىڭ اقتوبە وبلىستىق اۋماقتىق ينسپەكتسياسىنىڭ حابارلاۋىنشا، نۇر- سۇلتان قالاسىنا جىبەرىلگەن سىنامانىڭ قورىتىندىسى شىقتى. ءىرى قارا اراسىندا انىقتالعانى ينفەكتسيالىق رينوتراحەيت بولىپ شىقتى.
«ءىرى قارا اراسىندا انىقتالعان اۋرۋدان سوڭ اۋىل اكىمىنىڭ شەكتەۋ قويۋ تۋرالى شەشىمى شىقتى. ياعني وسى اۋىلعا مال كىرگىزۋگە بولمايدى، مال شىعارىلمايدى. بۇل 30 كۇندىك شەكتەۋ. سونىمەن قاتار مال تۇگەل ەگىلەدى. قورانىڭ ءبارى دەزينفەكتسيالانادى. ايتا كەتەيىن، تەكسەرۋ ءمۇيىزدى ءىرى قارانىڭ قان سارىسۋى سەرولوگيالىق، يممۋنوفەرمەنتتتىك تالداۋى ادىستەرىمەن جۇرگىزىلەدى. بارلىعى وننان استام مال اۋىردى»، - دەدى ۆەتەريناريالىق باقىلاۋ جانە قاداعالاۋ كوميتەتىنىڭ اقتوبە وبلىستىق اۋماقتىق ينسپەكتسياسىنىڭ باسشىسى كەڭەس قانادبايەۆ.
ەسكە سالساق، اقتوبەدە العا جانە حرومتاۋ اۋدانارىندا مالدان اۋرۋ شىقتى. ءىرى قارانىڭ اۋىز قۋىسى ءىرىپ، ءشوپ جەمەي قالدى.