سونداي-اق ق ر پرەزيدەنتى شاعىن جانە ورتا بيزنەستى دامىتۋدىڭ 2030-جىلعا دەيىنگى تۇجىرىمداماسىن قابىلداۋدى تاپسىرعان ەدى.
«ۇكىمەت پەن «اتامەكەن» بىرلەسىپ، شاعىن جانە ورتا بيزنەستى دامىتۋدىڭ جاڭا ستراتەگياسىن ازىرلەۋى قاجەت.
قۇجاتتا بيزنەستى تىكەلەي، ادرەسسىز قولداۋ مەن سۋبسيديالاۋدان مەيلىنشە نارىقتىق قۇرالدار مەن ادىستەرگە كوشۋ ماسەلەسى قاراستىرىلادى. جالپى شاعىن جانە ورتا بيزنەس سانىنىڭ وسۋىنە قاراماستان، ورتاشا كومپانيالار ۇلەسىنىڭ تومەن بولۋى - بۇرىنعى جانە ءالى كۇنگە دەيىن شەشىلمەگەن پروبلەما.
ءدال وسى كومپانيالار مەيلىنشە ورنىقتى ءارى باسەكەگە قابىلەتتى. وسىعان بايلانىستى شاعىن بيزنەستەن ورتا ساناتقا كوشۋ ءۇشىن رەتتەۋشى جانە ىنتالاندىرۋشى جاڭا شارالار قاجەت. ۇكىمەتكە «اتامەكەنمەن» بىرلەسىپ، جىل اياعىنا دەيىن شاعىن جانە ورتا بيزنەستى دامىتۋدىڭ 2030-جىلعا دەيىنگى تۇجىرىمداماسىن قابىلداۋدى تاپسىرامىن»، - دەگەن بولاتىن قاسىم-جومارت توقايەۆ.
سونىمەن مەملەكەت باسشىسىنىڭ تاپسىرماسىن ورىنداۋ ءۇشىن قازاقستان رەسپۋبليكاسىندا شاعىن جانە ورتا كاسىپكەرلىكتى دامىتۋدىڭ 2030-جىلعا دەيىنگى تۇجىرىمداماسىنىڭ جوباسى ازىرلەندى.
قازىرگى ۋاقىتتا تۇجىرىمداما جوباسى ۇكىمەتتە قارالىپ جاتىر.
ق ر ۇلتتىق ەكونوميكا مينيسترلىگىنىڭ مالىمەتىنشە، تۇجىرىمدامادا شاعىن جانە ورتا كاسىپكەرلىكتى (بۇدان ءارى - ش و ك) دامىتۋدىڭ قاعيداتتارى مەن تاسىلدەرى قالىپتاستىرىلعان. ولار باسىم سالالاردا شاعىن جانە ورتا بيزنەستى قولداۋدىڭ بالامالى تەتىكتەرىن ەنگىزۋ ارقىلى پاندەميادان كەيىنگى دامۋدى قامتاماسىز ەتۋگە، شوك ۇشىرايتىن نەگىزگى شەكتەۋلەردى جويۋعا، جەكە جانە مەملەكەتتىك كاسىپورىندار ءۇشىن تەڭ جاعدايلار جاساۋعا جانە زاڭنامانى جانە زاڭنىڭ ۇستەمدىگىن اكىمشىلىك جەڭىلدەتۋ مەن جەتىلدىرۋ ارقىلى ش و ك- تى دامىتۋعا جاردەمدەسۋگە باعىتتالعان.
جوبا ش و ك سۋبەكتىسىنىڭ ساپالىق جاي-كۇيىنە بايلانىستى ولاردىڭ قول جەتىمدىلىگىنىڭ گراداتسياسىن قايتا قاراۋ ماقساتىندا دامۋدىڭ بارلىق قۇرالدارىن قامتيدى.
اتاپ ايتقاندا، بىرىنشىدەن، تالاپ ەتىلمەگەن قۇرالداردىڭ قايتالانۋىن بولدىرماۋ جانە كۇشىن جويۋ ەسەبىنەن قولدانىستاعى رەتتەگىش قۇرالداردىڭ سانىن قىسقارتۋ قاراستىرىلادى.
ەكىنشىدەن، جەكە باستامانى، ەكونوميكالىق بەلسەندىلىكتى جانە كاسىپكەرلىك تاۋەكەلگە ازىرلىكتى كوتەرمەلەيتىن اشىق جانە ينكليۋزيۆتى جۇيەنى قۇرۋ ارقىلى شاعىن بيزنەستى ورتا جانە ورتا بيزنەسكە، ءىرى بيزنەسكە ترانسفورماتسيالاۋدى جۇزەگە اسىرۋ ءۇشىن كاسىپكەرلىكتى مەملەكەتتىك رەتتەۋ فوكۋسىنىڭ باعىتى ايقىندالادى.
ۇشىنشىدەن، ش و ك- ءتى دامىتۋدىڭ مەملەكەتتىك جۇيەسىنىڭ قۇرالدارىن ۇسىنۋ ماسەلەلەرىندە مەملەكەت پەن بيزنەستىڭ ءوزارا ءىس-قيمىلى كەزىندە سكورينگ تەتىكتەرى نەگىزىندە قابىلداناتىن سيفرلىق شەشىمدەردى پايدالانۋ كوزدەلەدى.
تورتىنشىدەن، الەۋمەتتىك-كاسىپكەرلىك كورپوراتسيالاردى وڭىرلىك دامۋ ينستيتۋتتارىنا ترانسفورماتسيالاۋ ارقىلى، سونداي-اق وڭىرلىك دامۋ ينستيتۋتتارى جانىندا جۇمىس ىستەيتىن كەلىسىمشارت جاساۋ ورتالىقتارىنىڭ جۇمىس ىستەۋىن قامتاماسىز ەتۋ ارقىلى ءىرى كومپانيالار مەن شوك اراسىنداعى تىكەلەي بايلانىستاردى دامىتۋ جانە كەڭەيتۋ ارقىلى كاسىپكەرلىكتى دامىتۋ ءۇشىن جاعدايلار جاساۋ جولعا قويىلادى.
بەسىنشى، جەتەكشى ۋنيۆەرسيتەتتەرگە (نەمەسە سالالىق بىرلەستىكتەر مەن قاۋىمداستىقتارعا) ينجينيرينگتىك ورتالىقتار قۇرۋ جانە دامىتۋ ءۇشىن ىنتالاندىرۋدى ۇسىنۋ ارقىلى ش و ك سۋبەكتىلەرىنىڭ عىلىمي-قولدانبالى زەرتتەۋلەر جۇرگىزۋى ءۇشىن قازىرگى زامانعى ينفراقۇرىلىم قۇرۋعا جول اشىلادى.
التىنشى، رەفورمالاردى ىلگەرىلەتۋ مەن ەلدىڭ ورتا تابىن نىعايتۋ ءۇشىن وزەك - تاۋەلسىز جانە باسەكەگە قابىلەتتى شاعىن جانە ورتا كاسىپكەرلىكتىڭ شوعىرىن قۇرۋ جولعا قويىلادى.
بۇل تاسىلدەر مەملەكەت پەن باسەكەگە قابىلەتتى بيزنەستىڭ ءوزارا كۇتۋلەرى مەن مۇددەلەرىنىڭ توعىسىندا تۇر.
وسىعان بايلانىستى تۇجىرىمدامانى ىسكە اسىرۋ جونىندەگى ءىس-قيمىل جوسپارىندا ورتا كاسىپكەرلىكتى دامىتۋ باسىمدىعى بار نارىقتىق تاسىلدەر مەن قۇرالدارعا كوشۋدى كوزدەيتىن ءىس- شارالار ۇسىنىلادى.
كورسەتىلگەن ماقساتتارعا قول جەتكىزۋ ءۇشىن جوبادا كاسىپكەرلىكتى قولداۋدىڭ قولدانىستاعى باعدارلامالارىن اۋىستىرۋعا كەلەتىن مەملەكەتتىك قولداۋ ءىس-شارالارىنىڭ مىناداي باعىتتارىن ازىرلەۋ كوزدەلەدى:
ءبىرىنشى باعىت - «مەن كاسىپكەر». وندا باستاۋىش كاسىپكەرلەرگە قولجەتىمدى بارلىق مەملەكەتتىك ءىس-شارالار مەن قۇرالدار بىرىكتىرىلەدى. نەگىزگى قاعيدات - ءىسىن جاڭا باستاعان كاسىپكەرلەردى شەكتەۋلى ۋاقىت كەزەڭىندە ورنىقتى ءوسۋ مەن دامۋ تراەكتورياسىنا شىعۋعا ىنتالاندىرۋ.
ەكىنشى باعىت «باسەكەگە قابىلەتتىلىك» جانە جىلدام دامىپ كەلە جاتقان كاسىپورىندارعا قولجەتىمدى بارلىق مەملەكەتتىك شارالار مەن قۇرالدار بىرىكتىرىلەتىن بولادى.
«تۇجىرىمدامانى ىسكە اسىرۋ ق ر 2050-جىلعا دەيىنگى دامۋ ستراتەگياسىندا، 2025-جىلعا دەيىنگى ۇلتتىق دامۋ جوباسىندا جانە باسقا دا ستراتەگيالىق قۇجاتتاردا ايقىندالعان ستراتەگيالىق ماقساتتارعا قول جەتكىزۋگە باعىتتالعان. ۇسىنىلىپ وتىرعان تۇجىرىمداما جوباسىن قابىلداۋ شاعىن بيزنەستى ورتا بيزنەسكە جانە ورتا بيزنەستى ءىرى بيزنەسكە اينالدىرۋعا ىقپال ەتەتىن بولادى. بۇل ءوز كەزەگىندە جالپى ەكونوميكاعا وڭ مۋلتيپليكاتيۆتىك اسەردى قامتاماسىز ەتەدى»، - دەپ اتاپ وتەدى ۇلتتىق ەكونوميكا مينيسترلىگىنەن.