بۇل تۋرالى ق ر پارلامەنتى ءماجىلىسىنىڭ دەپۋتاتى ەرلان سمايلوۆ ءمالىم ەتتى، دەپ حابارلايدى قازاقپارات ءتىلشىسى.
«سوڭعى 5 -جىلدىڭ ىشىندە (2017-2021 ج ج) 127415 ادام قازاقستان ازاماتتىعىن العان. ونىڭ ىشىندە 7731 ق ر پرەزيدەنتىنىڭ جارلىعىنا سايكەس، 19684 جەڭىلدەتىلگەن تۇردە جانە 106052 ەتنيكالىق قانداس. سونداي- اق، سوڭعى بەس جىلدىڭ ىشىندە ەلىمىزدە 20877800 شەتەل ازاماتى بولدى، ونىڭ 1539417 الىس شەتەلدەن كەلسە جانە 19338383 ازامات ت م د ەلدەرىنىڭ ازاماتتارى. ودان بولەك، اتالعان ۋاقىت ىشىندە قازاقستانعا كەلگەن 395755 شەتەل ازاماتى اكىمشىلىك جاۋاپكەرشىلىككە تارتىلىپتى. بۇگىندە ەلىمىزدە ءى م م- ءنىڭ ستاتيستيكاسىنا سايكەس 137702 شەتەل ازاماتى تۇراقتى تۇرىپ جاتىر. سول سياقتى بيىلعى ەسەپ بويىنشا 25176 قانداس تۇرۋدا»، - دەدى ەرلان سمايلوۆ ءماجىلىستىڭ زاڭناما جانە سوت- قۇقىقتىق رەفورما كوميتەتىنىڭ وتىرىسىندا جاساعان بايانداماسىندا.
سونداي- اق، ءماجىلىس دەپۋتاتى ەلىمىزدىڭ كوشى- قون تۋرالى زاڭناماسىنا وزگەرىستەر ەنگىزىپ، تولىقتىرۋدىڭ ماڭىزدىلىعىنا توقاتالىپ ءوتتى.
«قولدانىستاعى زاڭناماعا وزگەرىستەر مەن تولىقتىرۋلار ەنگىزۋدەگى ماقسات - نورمالاردى ق ر كونستيتۋتسياسىنا سايكەس كەلتىرىپ، ادام قۇقىقتارىن قورعاۋ مەن ۇلتتىق جانە قوعامدىق قاۋىپسىزدىك ماسەلەلەرىن شەشۋ. قازاقستان رەسپۋبليكاسى ازاماتتارىنىڭ مۇددەلەرىن قامتاماسىز ەتۋ. كوشى- قون سالاسىنداعى مەملەكەتتىك رەتتەۋدى جاقسارتۋ. جانە زاڭناماداعى قۇقىقتىق ولقىلىقتاردى جويۋدى كوزدەيدى»، - دەيدى ول.
ايتا كەتەيىك، بۇگىن ق ر پارلامەنتى ءماجىلىسىنىڭ زاڭناما جانە سوت- قۇقىقتىق رەفورما كوميتەتىندە ق ر كەيبىر زاڭنامالىق اكتىلەرىنە حالىقتىڭ كوشى- قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنىڭ تانىستىرىلىمى ءوتتى. اتالعان شاراعا ءماجىلىس دەپۋتاتتارىمەن قاتار قۇزىرلى ورگان وكىلدەرى قاتىستى.
اۆتور: ءالي يبرايەۆ