جاڭا جىلدان باستاپ كاسىپكەرلەر ءۇشىن سالىق تولەۋ جۇيەسى جەڭىلدەيدى

بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى مالىمدەدى.

«مەملەكەتتىك كىرىستەر كوميتەتى 2022 -جىلدىڭ 1-قاڭتارىنان باستاپ ارناۋلى ءموبيلدى قوسىمشانى پايدالانا وتىرىپ جانە وڭايلاتىلعان دەكلاراتسيا نەگىزىندە ارناۋلى سالىق رەجيمىن قولداناتىن جەكە كاسىپكەرلەر ءۇشىن «ە-Salyq Business» ءموبيلدى قوسىمشاسىن ىسكە قوسادى»، - دەلىنگەن كوميتەت اقپاراتىندا.

ءموبيلدى قوسىمشانىڭ فۋنكتسيونالى جەكە كاسىپكەر رەتىندە تىركەلۋگە، سالىق رەجيمىن تاڭداۋعا جانە وزگەرتۋگە، تۇبىرتەكتەر بەرۋگە، كىرىستەر ءتىزىلىمىن اۆتوماتتى تۇردە قالىپتاستىرۋعا، قوسىمشادا ەسەپتەلگەن سالىق مىندەتتەمەلەرىن تولەۋگە، ونىڭ ىشىندە قىزمەتكەرلەر ءۇشىن سونداي- اق الدىن الا تولتىرىلعان وڭايلاتىلعان سالىق دەكلاراتسياسىن ۇسىنۋعا مۇمكىندىك بەرەدى.

مۇنىمەن قوسا، ارناۋلى ءموبيلدى قوسىمشانى پايدالانا وتىرىپ، ارناۋلى سالىق رەجيمىن قولدانۋ كەزىندە سالىق ەسەپتىلىگىن تاپسىرماۋدى ەسكەرەدى.

ايتا كەتەيىك، بۇدان وزگە قوسىمشادا بەرەشەكتى قاراۋ جانە تولەۋ، مەملەكەتتىك كىرىستەر ورگاندارىنان حابارلامالار الۋ، سونداي- اق وڭايلاتىلعان تارتىپتە جەكە كاسىپكەردىڭ قىزمەتىن توقتاتۋ بويىنشا قىزمەتتەردى ورنىداي الادى. قوسىمشا «Play Market» جانە «App Gallery-دە» قولجەتىمدى.

www.24.kz