عالىمدار ءوز تۇجىرىمىن Annals of Anatomy عىلىمي باسىلىمىندا حابارلادى.
بۇرىن شايناۋ بۇلشىقەتى ەكى قاباتتان تۇرادى دەپ ەسەپتەلدى - جوعارعى جانە تەرەڭ قاتپاردا ورنالاسقان. ءبىراق جانۋارلاردى زەرتتەۋ عالىمداردى ونىڭ كۇردەلىرەك بولۋى مۇمكىن دەپ بولجاۋعا اكەلدى.
«شايناۋ بۇلشىقەتىنىڭ بۇل بولىگى باسقا بۇلشىقەت قاباتتارىنان ورنالاسۋى مەن قىزمەتى بويىنشا ەرەكشەلەنەدى»، - دەدى دوكتور مەزەي.
مامانداردىڭ ايتۋىنشا، بۇلشىقەتتىڭ بۇل تەرەڭ قاباتى تومەنگى جاقتىڭ قالىپتاسۋىنا قاتىسادى جانە ونى تۇراقتاندىرادى. بۇل تومەنگى جاقتى ارتقا، ياعني قۇلاققا قاراي تارتاتىن شايناۋ بۇلشىقەتىنىڭ جالعىز بولىگى.
جاڭا قابات باسقا ەكى قاباتقا قاراعاندا جوعارىراق جانە جاققا جاقىن جانە ولشەمى كىشىرەك.
اناتوميالىق تاجىريبە كەزىندە 12 باسسۇيەك زەرتتەلدى. تاعى 16 دەنەنىڭ كومپيۋتەرلىك توموگرافياسى جانە ءبىر ءتىرى ادامنىڭ م ر ت- سى تالداندى.
«كەيىنگى ءجۇز جىلدا ادام اناتومياسىنىڭ بارلىعى دەرلىك زەرتتەلدى. سوندىقتان، ءبىزدىڭ جاڭالىعىمىز زوولوگتاردىڭ ومىرتقالى جانۋارلاردىڭ جاڭا ءتۇرىن اشۋىمەن سالىستىرۋعا بولادى»، - دەدى پروفەسسور تۋرپ.
عالىمدار جاڭا بۇلشىقەت قاباتىن Musculus masseter pars coronidea (شايناۋ بۇلشىقەتىنىڭ كورونويدتى ءبولىمى) دەپ اتادى.
ايتا كەتەيىك، سيدنەيدەگى گارۆان مەديتسينالىق زەرتتەۋ ينستيتۋتى (Garvan Institute of Medical) عالىمدارى تىشقان مەن ادامنىڭ يممۋندىق جۇيەسىندە جاڭا ميكرواعزانىڭ بار ەكەنىن انىقتاعان بولاتىن. بۇل كەيىنگى ونجىلدىقتا مەديتسينا سالاسىندا اشىلعان ەڭ ماڭىزدى جاڭالىقتاردىڭ ءبىرى بولدى. سەبەبى وسى ارقىلى عالىمدار بولاشاقتا ءتيىمدى ۆاكسينالاردى دامىتۋ جولدارىن جاساپ شىعادى.
ليمفا تۇيىندەرىندە انىقتالعان اعزا «سۋبتۇتىكشەلىك پروليفەراتيۆتىك وشاق» (SPF) دەپ اتالادى.
زەرتحانالىق تاجىريبە كەزىندە باستاپقىدا جۇمباق اعزا تىشقانداردا، سودان كەيىن ادامداردا بار ەكەنى انىقتالدى. زەرتتەۋشىلەر اعزا ءبىر اۋرۋعا شالدىققاندا كەلەسىدە ودان جاقسى قورعانۋ جولدارىن جاساپ شىعاتىنىن ايتادى. «يممۋندىق جاد» دەپ اتالاتىن بۇل ەرەكشەلىك ەستىڭ ۆ- جاسۋشالارىنا توپتالادى.
massaget.kz