ءار ءبولىمى الەمنىڭ ءبىر قالاسىن تانىستىراتىن «قالاما قوش كەلدىڭىز» اتتى باعدارلامانىڭ «نۇرسۇلتان» دەپ اتالاتىن 2 - ءبولىمى 26 - جەلتوقساندا كورسەتىلدى. باعدارلامانىڭ ماقساتى كورەرمەندەرگە الەم مەملەكەتتەرىنىڭ ءىرى قالالارىنىڭ تانىمال تۋريستىك ورىندارىن تانىستىرۋ بولىپ تابىلادى.
وسى ورايدا، ارنانىڭ ءتۇسىرىلىم توبى قىركۇيەك ايىندا نۇرسۇلتانعا ارنايى كەلگەن بولاتىن. ءبىر اپتا بويى ەلوردانىڭ كورىكتى ورىندارىنىڭ تاريحىن بايانداي وتىرىپ، تۇسىرگەن ەدى.
بۇل جوبا TPT مەملەكەتتىك تەلەارناسى مەن يۋنۋس ەمرە ينستيتۋتى اراسىندا قول قويىلعان ىنتىماقتاستىق اياسىندا جۇزەگە اسىرىلدى.
باعدارلامانىڭ باسقا بولىمدەرى امستەردام، ۆەنا، موستار، ۆارشاۆا، بۋداپەشت، ريم، پاريج، دوحا، سونداي-اق ماسكەۋ سىندى الەمنىڭ ۇلكەن قالالارىنا ارنالعان.
«قالامىزعا حوش كەلدىڭىزدىڭ» العاشقى بولىمىندە سارايەۆو، ال ەكىنشى بولىمىندە نۇرسۇلتان قالاسى كورسەتىلدى.
باعدارلامادا «بايتەرەك» مونۋمەنتى، بەيبىتشىلىك جانە كەلىسىم سارايى، نۇرجول بۋلۆارى، حان شاتىر ويىن ساۋىق جانە ساۋدا ورتالىعى، قازاقستان ۇلتتىق مۋزەيى، قولجازبالار جانە سيرەك كىتاپتار ۇلتتىق ورتالىعى، ازىرەت سۇلتان مەشىتى، «AILAND» وتباسىلىق دەمالىس ساياباعى، «اتىراۋ» كوپىرى، ەكسپو-2017 كەشەنى، نۇر الەم مۋزەيى مەن قازاق ەلى مونۋمەنتى سياقتى ەلوردانىڭ ەڭ تانىمال ورىندارى كورەرمەنگە تانىستىرىلدى.
نۇرسۇلتانداعى يۋنۋس ەمرە ينستيتۋتىنىڭ ەكى وقۋشىسى باعدارلامانىڭ كونتسەپتسياسىنا سايكەس ەلوردانى كورەرمەنگە تۇرىكشە تانىستىردى. سونداي-اق جۇرگىزۋشىلەر قازاق ۇلتتىق تاعامدارىنىڭ ءدامىن تاتىپ، ەت، باۋىرساق پەن قىمىز، سونداي-اق ءداستۇرلى ساداق اتۋ ونەرى جايلى مالىمەت بەردى. ەڭ جاس استانا بولعانىنا قاراماستان الەمنىڭ نازارىن وزىنە اۋدارىپ وتىرعان نۇرسۇلتان تۋرالى «ارحيتەكتۋرالىق عاجايىپتارىمەن كوزگە تۇسەتىن ەرەكشە» جانە «كوز جاۋىن الاتىن، زاماناۋي، فۋتۋريستىك عيماراتتار قالاسى» دەپ اتاپ ءوتىلدى.
ۇلتتىق مۋزەيدەگى قازاق تاريحىنان سىر شەرتەتىن قازىنالارعا، التىن ادامدار، جىلقى ەكسپوناتىنا ەرەكشە توقتالدى.
سونداي اق، انادولى جۇرتىنا قولجازبالار جانە سيرەك كىتاپتار ۇلتتىق ورتالىعىنداعى قازاق تاريحىنا قاتىستى جازبا مۇرالار تۋرالى دا باياندالدى. 1TPT تەلەارناسىنىڭ يۋتۋب كانالىنا جۇكتەلگەن باعدارلامانىڭ ەكىنشى ءبولىمى قازىردىڭ وزىندە كوپ قارالىم جيناپ ۇلگىردى.