وسى جانە وزگە دە سۇراقتارعا ق ر دەنساۋلىق ساقتاۋ ءمينيسترىنىڭ ورىنباسارى، ەلدىڭ باس سانيتار دارىگەرى ەرلان قياسوۆ جاۋاپ بەردى، دەپ حابارلايدى قازاقپارات ءتىلشىسى.
- جاڭا جىل مەرەكەسى جاقىنداعان سايىن ۇجىمدىق كەشتەر ۇيىمداستىرۋ قانشالىقتى ورىندى ءارى زاڭدى دەگەن ساۋالدىڭ توڭىرەگىندە قىزۋ پىكىرتالاس ءجۇرىپ جاتىر. ءتىپتى تۇتاس ۇجىمنىڭ وسىنداي شارادا باس قوسقانى تۋرالى ۆيدەولار تارادى. ءبىرى «جاسىل» ايماقتاعى وڭىرلەردە جاڭا جىل كەشتەرىنە رۇقسات ەتىلگەنىن ايتسا، تاعى ءبىر توپ تالاپ بارىنە بىردەي بولۋ كەرەك دەگەندى ايتىپ جاتىر. وسىعان بايلانىستى ناقتى تۇسىنىكتەمە بەرە كەتسەڭىز. «جاسىل» ايماقتا ورنالاسقان وڭىرلەردە جاڭا جىل كەشىن تويلاۋدىڭ قانداي شەكتەۋلەرى بار؟
- قازىرگى تاڭدا قاتىسۋشىلاردىڭ سانى تالاپتاعى مولشەردەن اساتىن بولسا، كوپشىلىك ءىس- شارالاردى وتكىزۋگە رۇقسات ەتىلمەيدى. Ashyq جوباسىنا قاتىساتىن شاعىن جانە ورتا بيزنەس وبەكتىلەرى قاتىسۋشىلاردىڭ بارىندە «جاسىل» مارتەبەسى بولعان جاعدايدا جانە سانيتارلىق كارانتين تالاپتارىن ساقتاسا عانا جۇمىس ونداي كەشتەر وتكىزە الادى. ءار وڭىردەگى شەكتەۋ تالاپتارى قانداي ايماقتا ورنالاسقانىنا بايلانىستى.
- «جاسىل» ايماقتا شارا وتەتىن زالدىڭ سىيىمدىلىعى P عا دەيىن عانا پايدالانىلۋى كەرەك. ونىڭ وزىندە ادام سانى 100 دەن اسپاۋى شارت.
- «سارى» ايماقتا كەشەننىڭ سىيىمدىلىعىن P عا دەيىن، ءبىراق كەلۋشىلەر سانىن 70 ورىننان اسىرماي پايدالانۋ قاجەت.
- «قىزىل» ايماقتا كەلۋشىلەر سانى 50 ادامنان اسپاۋعا ءتيىس. ال زالدىڭ سىيىمدىلىعى بۇل تالاپتان تومەن بولسا، P عانا جۇكتەلىم بولۋى شارت.
- «قىزىل» ايماق تۋرالى ايتىپ قالدىڭىز. قازاقستان بويىنشا «قىزىل» ايماققا جاتقىزىلعان ەلدى مەكەندەر بار ما؟
- قازىرگى تاڭدا 3 ءوڭىر «سارى» ايماقتا، قالعان وڭىرلەردىڭ ءبارى «جاسىل» ايماقتا ورنالاسقان.
- جالپى تالاپ تۇسىنىكتى ءارى ناقتى بولعانىمەن «جاڭا جىل كەشىنە بارسام با، الدە قاۋىپتى مە» دەپ ەكى ويلى بولىپ جۇرگەن ادامدارعا قانداي كەڭەس بەرەسىز؟
- Ashyq جوباسىنا قاتىساتىن وبەكتىلەردە سالتاناتتى كەشتەردى، وتباسىلىق جانە ەسكە الۋ شارالارىن وتكىزۋگە رۇقسات ەتىلگەنىمەن، كوروناۆيرۋس ينفەكتسياسىنىڭ تارالۋ قاۋپى وتە جوعارى. سوندىقتان، ادامكوپ جينالاتىن ورىندارعا بارۋدان مەيلىنشە تارتىنىپ، ءداستۇرلى جاڭا جىل كەشتەرىنە قاتىسپاۋعا كەڭەس بەرەمىز.
- دۇنيەجۇزىلىك دەنساۋلىق ساقتاۋ ۇيىمىنىڭ باسشىسى 2022 -جىلدىڭ اياعىنا قاراي ادامزات كوروناۆيرۋس پاندەمياسىن ەڭسەرۋى مۇمكىن ەكەنىن ايتتى. وسىعان بايلانىستى مىنانداي سۇراق تۋىندايدى. كەلەسى جىلى قازاقستان شەكتەۋ شارالارىن قازىرگىدەن جەڭىلدەتۋدى جوسپارلاپ وتىر ما؟ جالپى ىندەتپەن كۇرەس ستراتەگياسىندا جاڭا قادامدار قولعا الىنۋى مۇمكىن بە؟
- كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن ق ر ۇكىمەتىنىڭ قاۋلىسىمەن COVID-19 پاندەمياسىنا قارسى ءىس- قيمىل جونىندەگى 2021-2022 -جىلدارعا ارنالعان جەدەل ءىس- قيمىل جوسپارى (04.11.2021 -جىل، № 781) بەكىتىلىپ، كۇرەستىڭ نەگىزگى ستراتەگياسى ايقىندالعان. سول جوسپار اياسىندا ەمدەلۋشىلەرگە ۋاقتىلى مەديتسينالىق كومەك كورسەتۋ، دارىلىك زاتتارمەن قامتاماسىز ەتۋ، مەملەكەتتىك شەكاراداعى وتكىزۋ پۋنكتتەرىندە باقىلاۋدى كۇشەيتۋ، ەپيدەميولوگيالىق جاعدايدى ەسكەرە وتىرىپ، سانيتارلىق كارانتين شارالارىن جۇرگىزۋ ءارى قاراي جالعاسادى.
اۆتور: ەسىمجان ناقتىباي