وسكەمەن- سەمەي تاسجولىندا كولىك قوزعالىسىنا تىيىم سالىندى

وسكەمەن. قازاقپارات - شىعىس قازاقستان وبلىسىندا ءبىرقاتار جول جابىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 24 -جەلتوقساندا كۇن رايىنىڭ ناشارلاۋىنا، ناقتى ايتقاندا قاتتى بوران سوعىپ، جولدىڭ ناشار كورىنۋىنە بايلانىستى ساعات 10.00-دەن باستاپ رەسپۋبليكالىق ماڭىزى بار «وسكەمەن- سەمەي» تاسجولىندا كولىكتىڭ بارلىق ءتۇرى ءۇشىن قوزعالىس جابىلدى.

سونداي-اق «سەمەي- رف شەكاراسى» تاسجولىندا (سەمەي قالاسى مەن قالباتاۋ اۋىلىنىڭ ارالىعى) اۆتوبۋستار مەن جۇك كولىكتەرىنىڭ قاتىناۋىنا شەكتەۋ قويىلدى.

ەستەرىڭىزگە سالا كەتسەك، وسىعان دەيىن «سەمەي- كۋرچاتوۆ» تاسجولىنىڭ 4-130 شاقىرىمى جانە «سەمەي- قاراۋىل» تاسجولىنىڭ 4-182 شاقىرىمى كولىكتىڭ بارلىق تۇرلەرى ءۇشىن جابىلعانى حابارلانعان بولاتىن.

اۆتور: تالعاتجان مۇحامەتبەك ۇلى