شىعىس قازاقستاندا جاساندى جولمەن قار كوشكىنى ءتۇسىرىلدى

وسكەمەن. قازاقپارات - شىعىس قازاقستان وبلىسىندا جاساندى جولمەن قار كوشكىنى ءتۇسىرىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، سوڭعى كۇندەرى وڭىردە قالىڭ قار جاۋىپ، قاتتى جەل سوعۋىنا بايلانىستى تاۋلى ايماقتاردا كوشكىن ءجۇرۋ قاۋپى ارتا تۇسكەن. سوعان بايلانىستى «قازسەلدەنقورعاۋ» ش ق و ف ماماندارى «وسكەمەن- سامار» تاسجولىنىڭ ماڭىندا جاساندى جولمەن قار كوشكىنىن ءتۇسىردى.

«5 رەت جارىلىس جاسالىپ، 2450 تەكشە مەتر قار تۇسىرىلگەن. قار جولدى جارتىلاي جاۋىپ قالدى. وسىلايشا، اسا قاۋىپتى ۋچاسكە قاردان تازارتىلدى»، - دەلىنگەن اقپاراتتا.

ايتا كەتەيىك، وڭىردە قار كوشكىنى قاۋپى بار كەزەڭ باستالعالى بەرى 18 رەت كوشكىن ءتۇسىرۋ جۇمىستارى جۇرگىزىلىپ، 15190 تەكشە مەتر قار تۇسىرىلگەن.