ەمبريون «يڭليان بالاسى» دەپ اتالدى. ول تسزيانسي پروۆينتسياسىنىڭ گانجوۋ قالاسىنداعى شاحە يندۋستريالدى پاركىندەگى حەكوۋ فورماتسياسىنىڭ جارتاستارىنان تابىلدى. بىرمينگەم ۋنيۆەرسيتەتىنىڭ پالەونتولوگتارى دينوزاۆردىڭ تاسقا اينالعان جۇمىرتقاسى بار ەمبريون ءتىسسىز تۇمسىقتى تەروپود دينوزاۆرلارىنا نەمەسە قازىرگى قۇستارمەن تىعىز بايلانىستى وۆيراپتوروزاۆرلارعا جاتاتىنىن انىقتادى. ولار ازيادا سولتۇستىكتە بور داۋىرىندە ءومىر سۇرگەن.
جۇمىرتقانىڭ جاسى 66-72 ميلليون جىل. ونىڭ ۇزىندىعى شامامەن 27 سانتيمەتر. زەرتتەۋشىلەردىڭ ايتۋىنشا، ەمبريون جۇمىرتقادان شىعۋعا جاقىن بولعان.
زەرتتەۋ اۆتورى جانە بيرمينگەم ۋنيۆەرسيتەتىنىڭ زەرتتەۋشىسى فيون ۆايسسۋم مانىڭ ايتۋىنشا، دينوزاۆر ەمبريوندارى ەڭ سيرەك قازبالاردىڭ ءبىرى بولىپ تابىلادى.
«دينوزاۆر ەمبريوندارى - ەڭ سيرەك قازبالاردىڭ ءبىرى جانە ولاردىڭ كوپشىلىگى تولىق ەمەس. ءبىز «ينليان بالاسىنىڭ» تابىلعانىنا وتە قۋانىشتىمىز. ول تاماشا كۇيدە ساقتالعان جانە دينوزاۆرلاردىڭ قالىپتاسۋى تۋرالى كوپتەگەن سۇراقتارعا جاۋاپ بەرۋگە كومەكتەسەدى»، - دەپ ءتۇسىندىردى عالىم.
بۇعان دەيىن بريتاندىق پالەونتولوگتار دينوزاۆرلاردىڭ بۇرىن بەلگىسىز ەكى ءتۇرىن تاپقان بولاتىن.
massaget.kz