«قازىرگى الەمدىك ۇردىستەردى قارايتىن بولساق، بارلىق ەلدەردە جىلجىمايتىن مۇلىك باعاسى قىمباتتاپ جاتىر. Halyk research توبى 2021-جىلدىڭ ءبىرىنشى جارتىجىلدىعىنا زەرتتەۋ جۇرگىزدى، وندا باتىس ەۋروپادا دا، سولتۇستىك امەريكا ەلدەرىندە دە، كانادادا، ا ق ش- تا دا جىلجىمايتىن مۇلىك باعاسىنىڭ وسكەنىن كورسەتتى. ەۋروستاتتىڭ ينفوگرافيكاسىنان دا شۆەتسيا سياقتى سكانديناۆيا ەلدەرىندە باعانىڭ دان استام وسكەنىن كورەمىز. ەگەر زەينەتاقى جيناعىنىڭ جىلجىمايتىن مۇلىك باعاسىنىڭ وسۋىنە قاتىسۋ ۇلەسىن باعالاساق، فاكتورلاردىڭ تورتتەن ءبىر بولىگى ىقپال ەتتى دەپ ويلايمىن»، - دەدى ءلاززات يبراگيموۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سپيكەردىڭ ايتۋىنشا، بيىل ساتۋ جانە ساتىپ الۋ مامىلەلەرىنىڭ سانى وتكەن جىلمەن سالىستىرعاندا الدەقايدا كوپ بولعان.
«وسىلايشا، مۇندا كوپتەگەن فاكتورلار ءرول اتقاردى. بۇعان تەك زەينەتاقى جيناعى عانا اسەر ەتتى دەپ ايتۋعا بولمايدى. جىلجىمايتىن مۇلىك باعاسىنىڭ ءوسۋى بارلىق جەردە بايقالىپ وتىر، وعان قوسا ازىق-تۇلىك جانە وزگە دە تاۋارلار باعاسىنىڭ وسۋىنە ىقپال ەتەتىن ينفلياتسيالىق پروتسەستەر بار. قۇرىلىس ماتەريالدارىنىڭ جەكەلەگەن توپتارىن الىپ قاراساق، ارماتۋرا مەن بەتون قىمباتتادى. ەڭبەكاقى مولشەرى وزگەردى، كرانشىلارعا، قۇرىلىس-مونتاج جۇمىسىمەن اينالىساتىندارعا سۇرانىس ارتتى. سوندىقتان بۇل جەردە ب ج ز ق عانا اسەر ەتتى دەپ ايتۋعا بولمايدى»، - دەدى ول.