دەنساۋلىق ساقتاۋ مينيسترلىگى وميكرون شتامى تۋرالى: قايتالاپ جۇعۋى مۇمكىن
12:21, 22 - جەلتوقسان 2021
نۇر-سۇلتان. قازاقپارات - دەنساۋلىق ساقتاۋ مينيسترلىگىنىڭ سانيتارلىق- ەپيدەميولوگيالىق باقىلاۋ كوميتەتى ءتوراعاسى ايجان ەسماعامبەتوۆا قازاقستاندا وميكرون شتامىن جۇقتىرۋ جاعدايى تىركەلمەگەنىن مالىمدەدى.
«وكىنىشكە قاراي، وميكرون تۋرالى سەنىمدى دەرەكتەر، عىلىمي زەرتتەۋلەر جوق. ول قانشالىقتى قاۋىپتى ەكەنى بەلگىسىز. جالعىز بەلگىلى نارسە - تەز جۇعادى، ينفەكسيا قايتالاپ جۇعۋى مۇمكىن. وميكرون شتامى پايدا بولعان جاعدايدا، بۇرىنعىداي، ەكى ايدا ءبىر رەت تولىق گەنومدىق جۇيەلەۋ جۇرگىزەمىز. پ ت ر- سكرينينگ بويىنشا الدىن الا دەرەكتەرگە سۇيەنسەك، قاراشانىڭ اياعىندا جانە جەلتوقساننىڭ باسىندا كوروناۆيرۋس جۇقتىرعان ادامداردى تەكسەردىك، ول كەزدە وميكرون انىقتالعان جوق»، - دەدى ەسماعامبەتوۆا ۇكىمەت وتىرىسىنان كەيىن.
ونىڭ ايتۋىنشا، قازاقستاندا دەلتا شتامى باسىم - 87 پايىز. ينفەكسيالاردىڭ 9 پايىزى الفا شتامى.
«بۇگىندە قازاقستاندا وميكرون اينالىمى انىقتالعان جوق»، - دەپ قورىتىندىلادى سانەپيدباقىلاۋ كوميتەتىنىڭ باسشىسى.