ماڭعىستاۋدا ۇلتتىق پاركتە جىرتقىش مىسىقتار مەن قاراقۇلاق كوزگە ءتۇستى
قورىق اۋماعىندا جۇرگىزىلگەن رەيد جۇمىستارىنىڭ بارىسىندا سيرەك كەزدەسەتىن جابايى مىسىق - قاراقال بايقالعان. وبلىستىق ايماقتىق ينسپەكتسيا قاراقالدىڭ تۇركى تىلىنەن «قاراقۇلاق» دەپ اۋدارىلاتىنىن ءتۇسىندىردى.
«بۇل - مىسىقتۇقىمداستارعا جاتاتىن سۇتقورەكتى جانۋار. قاراقالدى ۇزاق ۋاقىت بويى ءوزى ۇقساس سىلەۋسىندەرگە جاتقىزدى، الايدا ءبىرقاتار گەنەتيكالىق ەرەكشەلىكتەرىنە بايلانىستى كەيىن جەكە ءتۇر بولىپ اجىراتىلعان. ول كوبىنە ءشول دالانى مەكەندەيدى. ت م د اۋماعىندا سانى از، قىزىل كىتاپقا ەنگىزىلگەن»، - دەپ اتاپ ءوتتى ماماندار.
ەلىمىزدە قاراقال كاسپي تەڭىزىنىڭ جاعالاۋىندا كەزدەسەدى. جانۋار كوبىنە تۇندە شىعادى، ءبىراق قىستا جانە كوكتەمدە ونى كۇندىز دە كەزدەستىرۋگە بولادى. ماڭعىستاۋ وبلىسىنىڭ اۋماعىندا شامامەن 300-400 قاراقال بار.
وبلىستىق اۋماقتىق ينسپەكتسيادان ءتۇسىندىرىپ وتكەندەي، ەكىنشى سۋرەتكە مىسىقتۇقىمداستار ىشىندە كىشكەنتاي مىسىقتاردىڭ جابايى وكىلى - دالا مىسىعى ءتۇسىپ قالعان. بۇل ءتۇر قىزىل كىتاپقا ەنگىزىلگەن جوق.