«بۇل جاپون بوكسى تاريحىنداعى جالپى بيۋدجەتى 15 ميلليارد يەننەن (132 ميلليون دوللار) اساتىن ەڭ ءىرى جەكپە- جەك بولماق»، - دەپ حابارلادى جەرگىلىكتى ب ا ق.
ورتا سالماقتاعى WBA Super، IBF جانە IBO تيتۋلدارى ءۇشىن وتەتىن گولوۆكين - مۋراتا ايقاسى جاپونيانىڭ سايتاما قالاسىندا 29-جەلتوقسانعا جوسپارلانعان، ءبىراق وعان ۇكىمەت 1-جەلتوقساننان باستاپ ەنگىزۋدى كوزدەپ وتىرعان شەتەلدىكتەردىڭ كىرۋىنە شەكتەۋلەر كەدەرگى بولۋى مۇمكىن. گولوۆكين مەن مۇراتانىڭ جەكپە- جەگىنە قاتىستى سوڭعى شەشىم وسى اپتادا بەلگىلى بولادى.