Polisia.kz اقپاراتتىق مەديا پورتالىنىڭ مالىمەتىنشە، پوليتسيا قىزمەتكەرلەرى پاۆلودار قالاسىنداعى ەمحانالاردىڭ بىرىندە جۇمىس ىستەيتىن مەدبيكە كوروناۆيرۋس ينفەكسياسىنا قارسى تۇرعىندارعا ۆاكسينا جاساۋ قىزمەتىن اتقارعان.
ول سونداي-اق ازاماتتارعا ەكپەنى وتىرىك جاساپ، سول ءۇشىن ولاردان بىرنەشە مارتە اقشا العان. كۇدىكتى العان اقشانىڭ جالپى سوماسى 160 مىڭ تەڭگەنى قۇرايدى. اتالعان فاكتى بويىنشا ق ر قىلمىستىق كودەكسىنىڭ 247-بابىمەن سوتقا دەيىنگى تەرگەۋ باستالدى.
بۇعان دەيىن پاۆلودار قالاسىندا مەديتسينالىق قىزمەتكەرلەر ۆاكسينالاۋدىڭ جالعان ءتولقۇجاتتارىن جاسادى دەگەن كۇدىككە ىلىنگەنىن حابارلاعان ەدىك. ەمحانانىڭ مەڭگەرۋشىسى، جالپى تاجىريبە دارىگەرى، سونداي-اق ەكى مەيىربيكە ادامداردى بەلگىلى ءبىر سوماعا ۆاكسينا العاندار تۋرالى مالىمەتتەر بازاسىنا تىركەپ وتىرعان.