مۇنداي اقپاراتتى وسى ەلدىڭ قازاقستانداعى ەلشىسى باتىر رەدجەپوۆ راستادى. تۇركىمەنستان مەن قازاقستان اراسىنداعى قارىم- قاتىناسقا ارنالعان بريفينگ بارىسىندا اتالعان ديپلومات ەكى ەل اراسىنداعى كەلىسىمدەرگە دە توقتالدى.
ونىڭ ايتۋىنشا، بۇعان دەيىن ەكى ەل كاسپي تەڭىزىنىڭ ءتۇبىن ءوزارا ءبولۋ مەن قازاق- تۇركىمەن مەملەكەتتىك شەكاراسىن مەجەلەۋ تۋرالى كەلىسىمدەرگە كەلگەن. بۇدان بولەك كەلەر جىلى ءبىزدىڭ ەلدە تۇركىمەنستاننىڭ مادەنيەت كۇندەرى وتەتىنىن جەتكىزدى. سونىمەن قاتار اشحابادتا قازاقستاندىق كوۆيد- ءتولقۇجاتتاردى مويىنداۋ جاعى دا، قاراستىرىلىپ جاتقانىن ايتتى. بۇل ءىس بويىنشا وسىعان دەيىن ەكىجاقتى كەزدەسۋ دە وتكەن.
باتىر رەدجەپوۆ، تۇركىمەنستاننىڭ قازاقستانداعى توتەنشە جانە وكىلەتتى ەلشىسى:
- اتالعان ماسەلە بويىنشا جۇمىستار اتقارىلىپ جاتىر. بيىل ءبىز ەكى ەلدىڭ دەنساۋلىق ساقتاۋ مينيسترلىكتەرىنىڭ ءوزارا كەزدەسۋىن وتكىزىپ، ناقتى باسىمدىقتاردى بەلگىلەدىك.