شىعىس قازاقستاندا بوراندا قالعان ەكى شوپان قۇتقارىلدى

وسكەمەن. قازاقپارات - شىعىس قازاقستان وبلىسى ۇلان اۋدانىندا بوراندا قالعان ەكى شوپان قۇتقارىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەكى شوپان بورانعا قاراماستان تروينيتسكوە اۋىلىنىڭ ماڭىنداعى قىستاققا اتپەن بارعان. قايتىپ ورالماق بولعان ولار وزدىگىنەن جەتە الماي، قۇتقارۋشىلاردى شاقىردى.

«جەدەل- قۇتقارۋ جاساعىنىڭ قىزمەتكەرلەرى سول جەرگە جول تالعامايتىن «ترەكول» تەحنيكاسىمەن كەلىپ جەتتى. قۇتقارۋشىلار ولاردى جاقىن ماڭداعى اۋىلعا دەيىن ەۆاكۋاتسيالادى. شوپاندارعا مەديتسينالىق كومەك قاجەت بولمادى»، - دەلىنگەن اقپاراتتا.

ايتا كەتەيىك، قۇتقارۋشىلار بۇعان دەيىن اۋا رايىنىڭ ناشارلايتىندىعى مەن بۇرقاسىن بولاتىندىعى تۋرالى ەسكەرتكەن بولاتىن.