الماتىدا قۇلجا تاسجولىنداعى جولايىرىق قاشان اشىلادى
قۇلجا تاس جولى مەن بۇقتىرما كوشەلەرىنىڭ قيىلىسىندا جۇرگىزىلىپ جاتقان قۇرىلىس- مونتاجداۋ جۇمىستارى جانە جەر تەلىمدەرىن مەملەكەت قۇزىرىنا قايتارۋ مەن بيۋدجەتتىك قارجىنىڭ جۇمسالۋى كورسەتىلگەن كەستە بويىنشا اتقارىلۋدا.
«قازىرگى تاڭدا، جولايىرىق قۇرىلىسى بويىنشا اينالما جولدار مەن 14 تىرەك نىسان جانە سولتۇستىك باعىتقا قاراي جۇرەتىن ەستاكادا جۇمىستارى تولىق اياقتالدى. جەر استى وتكەلى بويىنشا ەستاكادا نىسانىنىڭ ارموتوپىراقتى تىرەك قابىرعالارى جانە وڭتۇستىك باعىت بويىنشا ينجەنەرلىك جۇيەلەۋ جۇمىستارى جۇرگىزىلىپ جاتىر. سونىمەن قاتار، سولتۇستىك ەستاكادا بويىمەن قۇلجا تاس جولى كولىكتەرگە اشىلىپ، جول ءجۇرۋ ءبىرشاما جەڭىلدەدى»، - دەيدى الماتى قالالىق پ د اكىمشىلىك پوليسيا باسقارماسىنىڭ باستىعى نۇرلان امانبەك.
باسقارما باستىعىنىڭ ايتۋىنشا، 2022 -جىلدىڭ العاشقى جارتىسىندا اتالاعان جولايىرىق بويىنشا بارلىق باعىتتاعى جولدار اشىلادى. قۇرىلىس جۇمىستارى 2022 -جىلدىڭ 4-توقسانىندا اياقتالادى.