قامشىبەك قوڭقابايەۆتىڭ كاسىپقوي بوكستاعى كەلەسى قارسىلاسى انىقتالدى

نۇر-سۇلتان. قازاقپارات - اسا اۋىر سالماقتا ونەر كورسەتەتىن قازاقستاندىق بوكسشى قامشىبەك قوڭقابايەۆتىڭ (3-0، 3 ك و) كاسىپقوي بوكستاعى كەلەسى قارسىلاسى انىقتالدى، دەپ حابارلايدى Vesti.kz ءتىلشىسى.

اۋەسقوي بوكستا قازاقستان قۇراماسىنىڭ كاپيتانى 11- جەلتوقسان كۇنى الماتى قالاسىندا ءتورتىنشى كەزدەسۋىن وتكىزەدى. ونىڭ قارسىلاسى بريتانيالىق بوكسشى ستيۆەن ۋورد (11-1، 4 ك و) بولادى. بۇل ايقاستا ءبىرىنشى اۋىر سالماقتاعى WBA Gold بەلبەۋى ساراپقا سالىنادى.

اتالعان بوكس كەشىنىڭ اندەركارتىندا قازاقستاندىق سۇلتان زاۋىربەك جانە تالعات شايكەن ونەر كورسەتەدى.

ايتا كەتەيىك، بۇل قوڭقابايەۆتىڭ وليمپيادا ويىندارىنان كەيىنگى ءبىرىنشى جەكپە-جەگى بولادى. ول كاسىپقوي بوكستاعى كەزدەسۋىنە بايلانىستى سەربيادا وتكەن الەم چەمپيوناتىنا قاتىسۋدان باس تارتتى.