ەلوردادا ساۋدا ورتالىعىندا ايەل كوز جۇمدى

نۇر-سۇلتان. قازاقپارات - ەلوردادا ساۋدا، ويىن-ساۋىق ورتالىعىندا ايەل ادام كوز جۇمدى، دەپ حابارلايدى قازاقپارات ءتىلشىسى.

بۇل اقپاراتتى نۇر-سۇلتان قالالىق قوعامدىق دەنساۋلىق ساقتاۋ باسقارماسى راستاپ، وقيعانىڭ 22-قاراشا كۇنى بولعانىن حابارلادى.

«22-قاراشا كۇنى 103 پۋلتىنە MEGA Silk Way ساۋدا، ويىن- ساۋىق ورتالىعىندا ايەل ادامنىڭ ەس-ءتۇسسىز جاتقانى تۋرالى شۇعىل شاقىرتۋ ءتۇستى. جەدەل جاردەم بريگاداسى كەلگەن كەزدە ايەلدە تىرشىلىك بەلگىلەرى بولعان جوق. كۋاگەرلەردىڭ ايتۋىنشا، 1992 -جىلى دۇنيەگە كەلگەن ايەل كەنەتتەن ەس-تۇسىنەن ايىرىلىپ، سەلكىلدەي باستاعان. وسىدان كەيىن كۋاگەرلەر ساۋدا، ويىن-ساۋىق ورتالىعى مەديتسينا پۋنكتىنىڭ قىزمەتكەرلەرىن شاقىرىپ، ولار رەانيماتسيا جاساعان. ءبىراق، ول ءساتسىز بولدى. مۇردە پوليتسيا قىزمەتكەرلەرىنە بەرىلدى»، - دەپ اتاپ وتەدى باسقارمادان.

اۆتور: مارلان جيەمباي