الماتى قالالىق پوليتسيا دەپارتامەنتى تەرگەۋدىڭ وسى كەزەڭىندە ءۇش بالاسىمەن 9-قاباتتان سەكىرىپ كەتكەن ايەلدىڭ ارەكەتىنىڭ الدىن الا سەبەبى انىقتالعانىن حابارلادى.
«بۇل وتباسىلىق- تۇرمىستىق قارىم- قاتىناس نەگىزىندە جۇبايىمەن ارادا بولعان جانجال. ولەر الدىندا حات جازىپ قالدىرعان. باسقا ءمان- جايلار انىقتالۋدا. ءىس ق ر ق ك- ءنىڭ 105- بابىنا سايكەس تەرگەلۋدە. تەرگەۋ- جەدەل توبى قۇرىلدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.
كۋاگەرلەردىڭ ايتۋىنشا، جاس انا الدىمەن بالالاردى تەرەزەدەن لاقتىرىپ، ارتىنان ءوزى سەكىرىپ كەتكەن. ەسكە سالايىق ، بۇگىن «جەتىسۋ» شاعىناۋدانىندا كوپقاباتتى ۇيلەردىڭ ءبىرىنىڭ تەرەزەسىنەن 28 جاستاعى ايەل مەن ونىڭ 2015، 2016 جانە 2019 -جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتتى. ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.
اۆتور: الما مۇقانوۆا