اقتاۋدا تۇڭعىش پرەزيدەنت ساياباعى سالىنىپ جاتىر

اقتاۋ. قازاقپارات - ماڭعىستاۋ وبلىسىنىڭ ورتالىعى اقتاۋدا وڭىردەگى ەڭ ءىرى ساياباق سالىنىپ جاتىر، دەپ حابارلايدى قازاقپارات قالا اكىمدىگىنىڭ باسپا ءسوز قىزمەتىنە سىلتەمە جاساپ.

40 - شاعىناۋداندا ورنالاسقان ساياباقتىڭ اۋماعى 23 گەكتار. وندا قالا تۇرعىندارىنىڭ بەلسەندى دەمالۋىنا ارنالعان الاڭدار، سەرۋەندەۋ ايماقتارى بولادى. گۇلدەر اللەياسى، مۋزىكالىق سۋبۇرقاق، بالالار ويىن الاڭدارى، جۇگىرۋ جانە ۆەلوسيپەد جولدارى دا ورناتىلادى. ساياباقتىڭ قۇرىلىسى «BS stroy» ج ش س- نىڭ جەكە قاراجاتى ەسەبىنەن تۇرعىزىلۋدا. قازىرگى تاڭدا، دەمالىس اۋماعىنىڭ جەرىنە توپىراق توسەۋ، تەگىستەۋ جۇمىستارى جۇرگىزىلىپ جاتىر.

- ەڭ باستىسى ساياباقتاعى جاسىل- جەلەكتەردى سۋارۋ ءۇشىن جەراستى سۋلارى، ال، جارىقتاندىرۋ ءۇشىن كۇن ساۋلەسى پايدالانىلادى. ياعني، قالا بويىنشا ينجەنەرلىك جانە ەلەكتر جەلىلەرىنە ەشقانداي سالماق تۇسپەيدى، - دەيدى مەردىگەر مەكەمە باسشىسى سۇڭعات مۇڭالبايەۆ.

قۇرىلىسى 2023 تولىق اياقتالادى دەپ جوسپارلانعان. ساياباقتى كۇتىپ- ۇستاۋ جۇمىستارىنا دا مەردىگەر مەكەمە جاۋاپتى بولماق.