بوكسشى جانىبەك ءالىمحان ۇلىنىڭ الەمدىك رەيتينگتەگى ورنى وزگەرگەن جوق

نۇر-سۇلتان. قازاقپارات - قازاقستاندىق كاسىپقوي بوكسشى جانىبەك ءالىمحان ۇلى (11-0، 7 ك و) كەزەكتى جەڭىسىنە قاراماستان، Boxrec.com رەيتينگىندەگى ورنى وزگەرگەن جوق.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

فرانسيا بوكسشى حاسسان ندام نجيكاممەن (38-6 , 21 ك و) جەكپە-جەگى الدىندا ءالىمحان ۇلى ورتا سالماقتاعى بوكسشىلار رەيتينگىندە سەگىزىنشى ورىندا تۇرعان.

جانىبەك نجيكامدى سەگىزىنشى راۋندتا تەحنيكالىق نوكاۋتپەن جەڭدى، الايدا بۇل جەتىستىگى Boxrec.com-داعى جاعدايىنا اسەر ەتكەن جوق.

رەيتينگتە قازاقستاندىق بوكسشى بۇرىنعى ورنىندا قالدى.