بۇل اقپاراتتى Vesti.kz تىلشىسىنە بوكسشىنىڭ مەنەدجەرى بەرىك سۇلتان ايتىپ بەردى.
ەسكە سالايىق، ءالىمحان ۇلى كەشە لاس-ۆەگاس (نيەۆادا شتاتى، ا ق ش) قالاسىندا كاسىپقوي بوكستاعى ون ءبىرىنشى كەزدەسۋىن وتكىزىپ، فرانسيالىق الەمنىڭ بۇرىنعى چەمپيونى حاسسان ن'دام ن'جيكامدى سەگىزىنشى راۋندتا جەڭدى.
«وسى كەزدەسۋدىڭ الدىندا بوب ارۋمنان جاقسى جاڭالىق كەلدى. جەكپە-جەكتە جەڭگەن بوكسشى دەمەتريۋس اندرادەنىڭ مىندەتتى قارسىلاسى بولادى. ارۋم بوكس الەمىندە ابىرويى بار كىسى. ول سوزىندە تۇرادى دەپ سەنەمىز. بۇيىرسا جانىبەك ەندى اندرادەمەن كەزدەسىپ قالادى»، - دەدى بەرىك سۇلتان.
ايتا كەتەيىك، دەمەتريۋس اندرادەنىڭ ءوزى وسىدان ەكى كۇن بۇرىن سوڭعى كەزدەسۋىن وتكىزدى. ول يرلانديالىق دجەيسون كۋيگليگە قارسى شىعىپ، جەڭىسكە جەتتى.