قازاقستاننان قىتايعا ەۆروپاك فلەكسيتانكاسىندا راپس مايىنىڭ العاشقى پارتياسى جونەلتىلدى
كوكشەتاۋ ستانتسياسىنان جونەلتىلگەن راپس مايى قىتايدىڭ تيەندجين پورتىنا جەتكىزىلەدى. بۇل قازاقستاننان قىتايعا جونەلتىلىپ وتىرعان ەۆروپاك فلەكسيتانكاسىندا مايدىڭ العاشقى پارتياسى. قازاقستان ونىمدەرى ءۇشىن قىتاي نارىعى وتە الەۋەتتى. سول سەبەپتى دە باسەكەلەستىك جوعارى.
وتاندىق تاۋارلاردىڭ ارتىقشىلىعى كوبىنەسە ساپاسى مەن ەكسپورتتاۋشىدان سوڭعى الۋشىعا دەيىن جەتكىزۋ جىلدامدىعىنا بايلانىستى. اسىرەسە، جەتكىزۋ جىلدامدىعى ماڭىزدى فاكتور بولىپ تابىلادى.
«بارلىعى 108 كونتەينەرگە سالىنعان كولەمى 2325 توننا راپس مايى (108x 20فۋتتىق كونتەينەرلەر) سۇيىق جۇكتەردى تاسىمالداۋعا ارنالعان ىڭعايلى قۇيمالى جۇكتى توگۋگە ارنالعان پوليمەرلىك ءيىلىمدى قاپ ىدىستارىنا سالىنعان»، - دەيدى «ەۆروپاك» جاۋاپكەرشىلىگى شەكتەۋلى قوعامىنىڭ باس ديرەكتورى ليۋدۆيگ تارحانيان.
اۋىل شارۋاشىلىعى داقىلىن دىتتەگەن جەرىنە جەتكىزۋدى «KTZ Express» اكسيونەرلىك قوعامىنىڭ وڭتۇستىك فيليالى رەسەيلىك «ەۆروپاك» كومپانياسىمەن بىرلەسىپ قولعا الىپ وتىر. كونتەينەرلىك پويىز كوكشەتاۋ ستانتسياسىنان رەسەيدىڭ «لوكوت - ناحودكا» شەكارا وتكەلدەرى ارقىلى قىتايدىڭ تيەندجين پورتىنا جەتكىزىلەدى.
«فلەكسيتانكتارمەن تاسىمالداۋ - ءارتۇرلى مايلاردى، سونىڭ ىشىندە راپس مايىن تاسىمالداۋدىڭ پروگرەسسيۆتى ادىستەرىنىڭ ءبىرى. بۇل جولعى راپس مايىن تاسىمالداۋ دا وسى ءادىس ارقىلى جۇزەگە اسىرىلادى. فلەكسيتانكتى ءداستۇرلى تسيستەرنالاردىڭ بالاماسى دەپ ساناۋعا بولادى»، - دەپ اتاپ ءوتتى «KTZ Express» اكسيونەرلىك قوعامىنىڭ باسشىسى نۇرلان يگەمبايەۆ.
قىتاي - الەمدەگى راپس مايىنىڭ نەگىزگى تۇتىنۋشىسى. بۇل قازاقستاندىق كومپانيالاردان ەكسپورتتىق ءونىمدى جەتكىزۋ ءۇشىن باسىم باعىت. 2020-جىلعى ستاتيستيكالىق دەرەكتەرگە سايكەس، قازاقستاننان قىتاي حالىق رەسپۋبليكاسىنا 37 مىڭ توننادان استام وسى ءونىم ەكسپورتتالدى.
نۇرلان يگەمبايەۆ اتاپ وتكەندەي، «KTZ Express» اكسيونەرلىك قوعامى ۇسىنعان تاپسىرىس بەرۋشىنىڭ تالاپتارىنا سايكەس بۇل جەكە لوگيستيكالىق شەشىم بولاشاقتا باسقا دا وتاندىق وندىرۋشىلەر ءۇشىن تۇراقتى ەكسپورتتىق سەرۆيس ورناتۋعا مۇمكىندىك بەرەدى.