سوڭعى مالىمەت بويىنشا، رەسەي فەدەراتسياسىنىڭ ەڭبەك سىڭىرگەن ءارتىسى كومىرقىشقىل گازىنان ۋلانعان. سونىمەن قاتار، ءانشىنىڭ دەنەسى بىرنەشە جەرىنەن كۇيگەن: بەتىنىڭ 20 پايىزى، سونداي- اق ءارتۇرلى دارەجەدە باسى، كەۋدەسى جانە جامباسى كۇيگەن. قازىر ءانشى جانساقتاۋ بولىمىندە جاتىر، دارىگەرلەر ونىڭ ءومىرى ءۇشىن كۇرەسىپ جاتىر، دەپ جازدى باسىلىم.
وقيعا ماسكەۋدە بەيسەنبى، 18-قاراشدا كەشكە بولعان. قۇتقارۋشىلاردى ءبىرىنشى بولىپ ءانشىنىڭ قىزى شاقىرعانى حابارلاندى. پاتەردەن بەس ادام قۇتقارىلدى. تەك حلەبنيكوۆا اۋىر زارداپ شەككەن.
ايتا كەتەيىك، بۇعان دەيىن ماسكەۋدەگى راتنايا كوشەسىندەگى ءۇيدىڭ ءتورتىنشى قاباتىندا 10 شارشى مەتر اۋماقتا ءورت شىعىپ، وندا رەسەي فەدەراتسياسىنىڭ ەڭبەك سىڭىرگەن ءارتىسى مارينا حلەبنيكوۆا زارداپ شەككەنى حابارلانعان بولاتىن. ءورتتىڭ شىعۋ سەبەبى تەمەكىدەن دەگەن بولجام بار.
Tengrinews.kz