بۇل تۋرالى بريفينگ بارىسىندا الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى سۆەتلانا سۇلتانعازيەۆا ءمالىم ەتتى، دەپ حابارلايدى قازاقپارات ءتىلشىسى.
بريفينگ بارىسىندا ب ا ق وكىلدەرى سپيكەردەن: «ەگەر دارىگەرلەر ريەۆاكسيناتسيادان باس تارتسا، جۇمىستان شىعارىلا ما؟» دەپ سۇرادى.
«شىنىندا دا، بۇل سۇراققا قازىر جاۋاپ بەرۋ قيىن. ءار ادام ءوز دەنساۋلىعىنا قاۋىپ توندىرەدى، سونداي-اق، كومەككە كەلگەن ناۋقاستاردىڭ دەنساۋلىعىنا قاۋىپ توندىرەدى. نەگىزى، ولار ەكپە الۋى ءتيىس، بۇل - مەنىڭ پىكىرىم»، - دەدى دارىگەر.
ونىڭ ايتۋىنشا، ەكپە الماعان، جەكە سەبەپتەرمەن قايتا ەگۋدەن باس تارتقان مەديتسينا قىزمەتكەرلەرى ناۋقاستارمەن جۇمىس ىستەۋگە جىبەرىلمەيدى. ياعني، شەتتەتىلەدى.
«نەمەسە ولار ناۋقاستارمەن بايلانىستا بولمايتىن ايماقتارعا اۋىستىرىلادى. مىسالى، ولاردى ستاتيستيكا بولىمىنە وتىرعىزۋعا بولادى. ريەۆاكسيناتسيا جاساماعان مەديتسينا قىزمەتكەرلەرىنە ناۋقاستاردى قابىلداۋعا رۇقسات ەتىلمەيدى»، - دەپ جاۋاپ بەردى سۆەتلانا سۇلتانعازيەۆا.