رەسەيدەن قازاقستاننىڭ سولتۇستىگى مەن شىعىسىنا گاز تارتۋ كەلىسسوزى باستالدى
16:02, 18 - قاراشا 2021
نۇر- سۇلتان. قازاقپارات - ق ر ەنەرگەتيكا ءمينيسترى ماعزۇم مىرزاعاليەۆ رەسەيمەن قازاقستاننىڭ سولتۇستىك جانە شىعىس وڭىرلەرىن گازداندىرۋعا قاتىستى كەلىسوزدەر جايىندا ايتتى، دەپ حابارلايدى قازاقپارات ءتىلشىسى.
«ناتيجە بار. ءبىز تەحنيكالىق پارامەترلەرىنە، كوممەرتسيالىق پارامەترلەرىنە قاتىستى ناقتى كەلىسسوزدەر باستاۋدى ۋاعدالاستىق. ياعني، گاز قۇنى، قۇبىر تارتۋ نەگىزدەمەسىن ازىرلەۋ ءۇشىن قاجەتتى گاز تۇتىنۋدىڭ ەڭ تومەنگى كولەمى تۋرالى ماسەلەلەر قوزعالادى. وتكەن اپتادا عانا «گازپروم- ەكسپورت» باسشىلىعىمەن كەزدەسىپ، بۇل ماسەلەلەردى تالقىلادىق» - دەدى مينيستر سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.
بۇعان دەيىن ماعزۇم مىرزاعاليەۆ ەلىمىزدە ورىن العان ديزەل تاپشىلىعىنىڭ باستى سەبەبىن جانە نارىقتى تۇراقتاندىرۋ ءۇشىن كورشى ەلدەن 146 مىڭ توننا ديزەل وتىنى ەكسپورتتالعانىن اتاعانىن حابارلاعان ەدىك.
اۆتور: مارلان جيەمباي